QR Ulttyq banki ınflıatsııaǵa qatysty boljamyn jarııa etti
ASTANA. QazAqparat - Qazaqstan Respýblıkasynyń Ulttyq Banki jylyna 4 ret boljamdyq raýnd júrgizedi. Onyń barysynda negizgi makroekonomıkalyq kórsetkishterdiń, birinshi kezekte ınflıatsııanyń ortamerzimdi kezeńdegi (aldaǵy 7 toqsandaǵy) boljamyn júzege asyrady, dep habarlaıdy banktiń baspasóz qyzmeti.
Alynǵan boljamdar men baǵalar negizinde Qazaqstan Respýblıkasynyń Ulttyq Banki aqsha-kredıt saıasaty boıynsha, onyń ishinde bazalyq mólsherleme deńgeıi boıynsha sheshimder qabyldaıdy.
2017 jylǵy 17 aqpanda Qazaqstan Respýblıkasynyń Ulttyq Banki kezekti «2017 jylǵy qańtar-aqpan» boljamdyq raýndyn aıaqtady. Boljam kezeńi 2017 jylǵy 1-toqsan - 2018 jylǵy 3-toqsan aralyǵy.
Munaı naryǵyndaǵy ahýaldyń turaqtanýyna, sondaı-aq halyqaralyq ınstıtýttardyń munaı baǵasy boıynsha aıtarlyqtaı optımıstik konsensýs-boljamdaryna baılanysty negizgi stsenarıı retinde búkil boljamdyq kezeńde munaı baǵasynyń bir barrel úshin 50 AQSh dollary deńgeıinde bolýyn boljaıtyn optımıstik stsenarıı qarastyrylady.
Qazaqstandaǵy jyldyq ınflıatsııa 2017 jyly nysanaly 6-8%-dyq (2017 jyldyń sońyna qaraı 6,5-7,0%) dálizde bolatynyn, al 2018 jyly birtindep 5-7%-dyq dálizge kire bastaıtynyn (1-grafık) nátıjeler kórsetip otyr. Inflıatsııalyq kútýlerdiń tómendeýi, ishki aqsha naryǵyndaǵy turaqtylyqtyń artýy jáne ahýaldyń boljamdylyǵy, sondaı-aq 2017 jyly qalypty-ustamdy aqsha-kredıt saıasatyn júrgizý nátıjesinde ınflıatsııa baıaýlaıtyn bolady.
Ekonomıkalyq ósý qarqyny 2017 jyly 2,2%-ǵa deıin jáne 2018 jylǵy toǵyz aı úshin 4,7%-ǵa deıin jedeldetildi. Osy kezeńde ekonomıkalyq ósý naqty jalaqynyń ósýi aıasynda ishki tutynýdyń ósýi, ekonomıkany qoldaýdyń jáne ártaraptandyrýdyń memlekettik baǵdarlamalary iske asyrý sheńberinde negizgi kapıtalǵa ınvestıtsııalardyń ósýi, mıneraldyq resýrstardy óndirý jáne shyǵarý kóleminiń (Qashaǵan áseri) ósýi esebinen qamtamasyz etiletin bolady. Tutynýshylyq jáne ınvestıtsııalyq taýarlar ımportynyń ósýi ishki suranysty keńeıtý nátıjesinde ІJÓ ósýin tejeýshi faktor bolady. Shyǵarylymdy ajyratý 2017 jylǵy 3-toqsanǵa deıin teris bolady. 2017 jylǵy 4-toqsannan bastap naqty JІÓ óziniń áleýetti máninen azdap joǵary bolady, bul ekonomıkadaǵy álsiz pro-ınflıatsııalyq qysym týraly kýálandyratyn bolady.
Syrtqy ınflıatsııalyq aıa qalypty-qolaıly retinde sıpattalady. Bul, birinshi kezekte, Reseı Federatsııasyndaǵy ınflıatsııalyq protsesterdiń baıaýlaýyna baılanysty. Syrtqy suranys Eýropalyq odaq ekonomıkasynyń álsiz ósýi, Reseıdiń ІJÓ-niń álsiz oń ósý qarqyny, Qytaı ekonomıkasynyń tómen túsip bara jatqan, biraq áli de joǵary ósý qarqyny esebinen qalyptasatyn bolady.
Inflıatsııanyń negizgi táýekelderi óndirýshiler baǵasynyń joǵarǵy qarqynmen ósýine, 2016 jylǵy 4-toqsanda ekonomıkanyń negizgi sektorlarynda naqty jalaqynyń eleýli ósýine baılanysty boldy. Óz kezeginde, bir barrel 40 AQSh dollary bolatyn stsenarıı iske asyrylǵan kezde jyldyq ınflıatsııa 2017 jyly nysanaly dálizdiń joǵary shegine jaqyn keledi (2017 jyldyń sońynda 7,5-8,0%).
«2017 jylǵy qańtar-aqpan» boljamdyq raýndynyń nátıjeleri boıynsha barynsha tolyǵyraq aqparat Qazaqstan Respýblıkasy Ulttyq Bankiniń saıtynda 2016 jylǵy 4-toqsannyń «Inflıatsııaǵa sholýynda» jarııalanady.
