QR Ulttyq banki: І jartyjyldyqta Qazaqstannyń syrtqy boryshy 155,2 mlrd. AQSh dollaryn qurady
ASTANA. QazAqparat - 2015 jylǵy І jartyjyldyqtyń nátıjeleri boıynsha aǵymdaǵy operatsııalar shoty 2,2 mlrd. AQSh dollaryndaǵy teris saldomen qalyptasty, dep habarlaıdy QR Ulttyq bankiniń baspasóz qyzmetinen.
Saýda balansy 7,9 mlrd. AQSh dollary mólsherindegi profıtsıtpen qalyptasty. Bul rette taýarlar eksporty 24,9 mlrd. AQSh dollaryn, al taýarlar ımporty 17,1 mlrd. AQSh dollaryn qurady.
Halyqaralyq qyzmet kórsetý balansy 2,3 mlrd. AQSh dollary mólsherindegi defıtsıtpen qalyptasty. Bastapqy kirister balansynyń defıtsıti 6,9 mlrd. AQSh dollaryn qurady. Qaıtalama kiristerdiń teris saldosy 1,0 mlrd. AQSh dollaryn qurady.
Qarjy shoty (Ulttyq Banktiń rezervtik aktıvterimen operatsııalardy qospaǵanda) boıynsha mindettemelerdiń azaıýymen salystyrǵanda aktıvterdiń barynsha joǵary qysqarý qarqyny nátıjesinde 4,1 mlrd. AQSh dollary mólsherindegi kapıtaldyń taza ákelinýi (teris saldo nemese «qalǵan elderden taza qaryz alý») qalyptasty.
Sheteldik tikeleı ınvestıtsııalar boıynsha 2015 jylǵy І jartyjyldyqta 1,3 mlrd. AQSh dollary mólsherindegi teris balans qalyptasty. Tikeleı ınvestıtsııalaý operatsııalary boıynsha qarjy aktıvterin taza satyp alý 2,0 mlrd. AQSh dollaryn qurady, al sheteldik tikeleı ınvestıtsııalar boıynsha mindettemelerdiń taza ósimi 3,3 mlrd. AQSh dollary mólsherinde qalyptasty.
«Salym baǵyttary» qaǵıdaty boıynsha esepke alynǵan sheteldik tikeleı ınvestıtsııalardyń jalpy ákelinýi 2015 jylǵy І jartyjyldyqta 7,5 mlrd. AQSh dollaryn qurady. Ózara fırmaaralyq mindettemeler boıynsha negizgi boryshty óteýdi eseptegende Qazaqstanǵa tikeleı ınvestıtsııalardyń taza ákelinýi 0,9 mlrd. AQSh dollaryn qurady, al shetelge taza áketilýi 0,4 mlrd. AQSh dollary bolatyn teris saldomen qalyptasty.
Portfeldik ınvestıtsııalar balansy 2,1 mlrd. AQSh dollary mólsherindegi teris saldomen qalyptasty, al mindettemelerdiń azaıýy 2,6 mlrd. AQSh dollaryn qurady.
«Basqa ınvestıtsııalar» baby boıynsha teris saldo 0,6 mlrd. AQSh dollary boldy. Aktıvterdiń tómendeýi 1,8 mlrd. AQSh dollaryn, al mindettemelerdiń azaıýy 1,1 mlrd. AQSh dollaryn qurady.
2015 jylǵy 30 maýsymdaǵy jaǵdaı boıynsha Qazaqstan Respýblıkasynyń syrtqy boryshy 155,2 mlrd. AQSh dollaryn qurady, olardyń 5,0% nemese 7,8 mlrd. AQSh doll. - memlekettik sektordyń syrtqy boryshyn 1, 6,2% nemese 9,7 mlrd. AQSh dollary - «Bankter» sektorynyń syrtqy boryshyn 2, 36,2% nemese 56,2 mlrd. AQSh dollary - «Basqa sektorlardyń» 3 tikeleı ınvestıtsııalarǵa baılanysty emes bereshegin, al qalǵan 52,6% nemese 81,7 mlrd. AQSh dollary osy sektordyń fırmaaralyq bereshegin quraıdy.
2015 jylǵy 2-toqsanda eldiń syrtqy boryshy 0,9 mlrd. AQSh dollaryna ulǵaıdy. Memlekettik sektordyń syrtqy boryshy 82 mln. AQSh dollaryna azaıdy. «Bankter» sektorynyń syrtqy boryshynyń 0,4 mlrd. AQSh dollaryna ulǵaıýy negizinen jekelegen bankterdiń boryshtyq baǵaly qaǵazdarynyń naryqtyq baǵalarynyń ósýine baılanysty boldy.
«Basqa sektorlardyń» jıyntyq syrtqy mindettemeleri 0,6 mlrd. AQSh dollaryna kóbeıdi. Bul rette «Basqa sektorlardyń» úlestes emes beırezıdentter aldyndaǵy bereshegi 0,5 mlrd. AQSh dollaryna azaıdy.
