QR Ulttyq banki dızaıny ózgertilgen 1000 teńgelik banknotty aınalysqa shyǵardy
ASTANA. QazAqparat - QR Ulttyq Banki 2013 jylǵy 9 sáýirdegi №100 qaýlysyn basshylyqqa ala otyryp, 2014 jyldyń 1 jeltoqsanynan bastap, dızaıny ózgertilgen nomınaldyq quny 1000 (bir myń) teńgelik banknotty aınalysqa shyǵarǵanyn habarlady. Bul týraly nationalbank.kz saıty jazdy.
Dızaıny ózgertilgen nomınaldyq quny 1000 teńgelik banknottyń sıpattamasy:
«Banknot mólsheri 134 h 70 mm qaǵazda daıyndalǵan. Bet jaǵy: túsi - sary-qońyr, beıneler tiginen ornalasqan. Negizgi beıneler: banknottyń oń jaǵynda «Qazaq Eli» monýmenti jáne tómengi jaǵynda ortada ushyp júrgen kógershinderdiń beınesi. Joǵarǵy bóliginde QR Memlekettik rámizderi: Eltańba jáne Tý beınelengen. Sol jaǵynda tómengi jáne joǵarǵy bóliginde nomınaldyń tsıfrlyq belgisi, sol jaqta ortada nomınaldyń memlekettik tildegi áriptik belgisi basylǵan. «QAZAQSTAN ULTTYQ BANKІ» degen jazý bar. Joǵarǵy sol jaq buryshta ornalasqan, onyń astynda qoldan jasaý jaýapkershiligin eskertetin memlekettik tilde «Banknottardy qoldan jasaý zańmen qýdalanady» degen jazý jazylǵan. Syrt jaǵy: túsi - sary-qońyr, basym beıneler kóldeneńinen ornalasqan. Negizgi beıneler: Ústirt shoqysy, artqy jaǵynda Qazaqstan kartasynyń kontýry beınelengen. Tómengi sol jaǵynda, joǵarǵy oń jaǵynda banknot nomınalynyń tsıfrlyq belgisi, al tómende ortada orys tilindegi áriptik belgisi. Joǵarǵy jaǵynda ortada «QAZAQSTAN ULTTYQ BANKІ» degen jazý basylǵan, tómengi jaqta ortada banknot nomınalynyń áriptik belgisiniń ústinde «Poddelka banknot presledýetsıa po zakoný» degen jazý bar», delingen habarlamada.
