QR Ulttyq banki búgin Azıada-2011-ge arnalǵan nomınaly 50 myń teńgelik eskertkish altyn monetany aınalysqa shyǵarady
ASTANA. 27 qańtar. QazAqparat - QR Ulttyq banki búgin 2011 jylǵy 7-Qysqy Azııa oıyndaryna arnalǵan nomınaly 50 myń teńgelik eskertkish altyn monetany aınalysqa shyǵarady. QazAqparat búgin resmı BAQ betterinde jarııalanǵan Qazaqstan Respýblıkasynyń Ulttyq bankiniń resmı habaryn jarııalap otyr.
Qazaqstan Respýblıkasy Ulttyq Bankiniń resmı habary
Almaty 2011 jylǵy 27 qańtar
Qazaqstan Respýblıkasynda 2011 jylǵy 7-Qysqy Azııa oıyndaryna arnalǵan eskertkish altyn monetany aınalysqa shyǵarý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155 Zańyna sáıkes, Qazaqstan Respýblıkasynyń Ulttyq Banki 2011 jylǵy 27 qańtarda nomınaldyq quny 50000 teńgelik Qazaqstan Respýblıkasynda 2011 jylǵy 7-shi qysqy Azııa oıyndaryna arnalǵan «proof» sapasymen jasalǵan eskertkish altyn monetany aınalysqa shyǵarady.
Eskertkish altyn monetanyń sıpattamasy:
Monetanyń bet jaǵynda (aversinde) oń bóliginde monetanyń nomınalyn bildiretin «50000 TEŃGE» degen jazý, moneta daıyndalǵan metaldy, onyń synamyn jáne massasyn bildiretin «Au 999 1000 gr.» degen jazý jáne Qazaqstan teńge saraıynyń taýar belgisi ornalasqan. Sol jaq bóliginde qar ushqyndarymen qorshalǵan «Kók táńiri» petroglıfiniń stıldendirilgen beınesi salynǵan. Tómengi bóliginde shańǵynyń izi jáne moneta soǵylǵan jyldy bildiretin «2010» degen san beınelengen. Aınaldyra memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIS OF KAZAKHSTAN» degen jazýlar oıyp jazylǵan jáne shyǵyńqy jıek júrgizilgen.
Monetanyń syrt jaǵynda (reversinde) ortalyq bóliginde stıldendirilgen kúńgirttelgen muz ústinde 2011 jyly ótetin 7-shi Azııa oıyndarynyń logotıpi ornalastyrylǵan. Sýret qysqy sport túriniń ıdeogrammalarymen qorshalǵan. Aınaldyra memlekettik tilde «7 shi QYSQY AZIıA OIYNDARY», aǵylshyn tilinde «7 th ASIAN WINTER GAMES» degen jazýlar jáne shyǵyńqy jıek júrgizilgen.
Monetanyń bet jaǵyndaǵy jáne syrt jaǵyndaǵy beıneler men jazbalar bederlengen.
Qyry (gýrty) bederli.
Moneta 999/1000 synamdy altynnan daıyndalǵan, massasy 1000 gramm, dıametri - 100 mm, daıyndalý sapasy - «proof», taralymy - 145 dana.
Qazaqstan Respýblıkasy Ulttyq Bankiniń osy resmı habarǵa túsiniktemesi
Osy eskertkish altyn moneta Qazaqstan Respýblıkasynda 2011 jylǵy 7-Qysqy Azııa oıyndaryna arnalyp jasaldy.
«Proof» sapasymen jasalǵan eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen.
