QR Ulttyq banki birqatar valıýta aıyrbastaý pýnktterine qomaqty aıyppul saldy
ASTANA. QazAqparat - QR Ulttyq banki dollar jáne eýronyń teńgege shaqqandaǵy belgilengen baǵamynan asyryp jibergen birneshe valıýta aıyrbastaý pýnktterine qomaqty aıyppul salyp, lıtsenzııalarynyń qoldanylýyn ýaqytsha toqtatyp tastady. Bul týraly banktiń baspasóz qyzmeti habarlady.
Aıta keteıik, bunyń aldynda QR Ulttyq bankiniń tóraǵasy Qaırat Kelimbetov shetel valıýtalarynyń belgilengen dálizinen shyǵyp, paıda kórip qalǵysy keletin valıýta aıyrbastaý pýnktteri jaýapkershilikke tartylatyndyǵyn habarlaǵan bolatyn.
«Ýəkiletti bankterdiń jəne ýəkiletti uıymdardyń aıyrbastaý pýnktteri júrgizetin, qolma-qol shetel valıýtasymen operatsııalar boıynsha alypsatarlyqty boldyrmaý maqsatynda QR Ulttyq banki basqarmasynyń «Aıyrbastaý pýnktteri arqyly júrgiziletin operatsııalar boıynsha AQSh dollaryn jəne eýrony teńgege satyp alý baǵamynyń satý baǵamynan aýytqý shekterin belgileý týraly» 2014 jylǵy 11 aqpandaǵy № 18 qaýlysy qabyldandy», - delingen habarlamada.
Osyǵan oraı, Qaýlyny saqtaý məseleleri boıynsha 391 jospardan tys tekserý júrgizdi.
Qaýlyny saqtamaýdyń anyqtalǵan faktileri boıynsha jalpy somasy 2,8 mln. teńgege aıyppuldar túrinde 10 əkimshilik jaza qoldandy.
Sonymen qatar «Valıýtalyq retteý jəne valıýtalyq baqylaý týraly» 2005 jylǵy 13 maýsymdaǵy QR Zańyna səıkes QR Ulttyq banki aýmaqtyq fılıaldarynyń sheshimderimen bes ýəkiletti uıymnyń shetel valıýtasymen aıyrbastaý operatsııalaryn uıymdastyrýǵa arnalǵan lıtsenzııalardyń qoldanylýy ýaqytsha toqtatyldy.
«Ýəkiletti bankterge (olardyń fılıaldaryna) qatysty materıaldar QR Ulttyq bankine «Qazaqstan Respýblıkasyndaǵy bankter jəne bank qyzmeti týraly» 1995 jylǵy 31 tamyzdaǵy QR Zańyna səıkes shekteýli yqpal etý sharalaryn jəne sanktsııalardy qoldaný məselesin qaraý úshin jiberiledi. QR Ulttyq banki laýazymdyq mindetterdi laıyqsyz oryndaýǵa baılanysty QR Ulttyq banki fılıaldarynyń eki laýazymdy tulǵasyn laýazymynan bosatý týraly sheshim qabyldady», - dep jazady banktiń baspasóz qyzmeti.
