QR Ulttyq banki bazalyq mólsherlemesi tómendeýi múmkin
ASTANA. QazAqparat - Aǵymdaǵy jyldyń naýryz aıynda QR Ulttyq banki bazalyq mólsherlemesi taǵy da tómendeýi múmkin. Bul týraly Úkimet otyrysynan keıin BAQ ókilderine QR Ulttyq ekonomıka mınıstri Erbolat Dosaev málim etti.
«Menińshe, Ulttyq banktiń sheshimi qaıta naryqty turaqtandyratyn bolady. Óıtkeni, ózderińizde biletindeı sońǵy ýaqytta bankaralyq nesıe stavkalary tómendedi. Soǵan sáıkes, ótken aptada 30 paıyzǵa deıin tómendegen bolatyn. ıAǵnı, bazalyq stavkanyń tepe-teń deńgeıi naryqtyq jaǵdaıdy kórsetedi», - dedi E.Dosaev.
Onyń atap ótýinshe, sondyqtan da bul másele ótken aptada Ulttyq bankpen jan-jaqty talqylanyp, búgin Aqsha-kredıt saıasaty jónindegi tehnıkalyq komıtet naqty sheshim shyǵarǵan.
«Eń durysy naryqtyq jaǵdaıyn tepe-teń ustanymǵa ákelý qajet. 17 paıyz búgingi tepe-teń dep sanaımyz», - dedi ol.
Sonymen qatar, ol naýryzda jańa tehnıkalyq komıtet otyrysy ótip, onda bazalyq stavkany odan ary tómendetý máselesi qaralatyndyǵyn atap ótti.
Aıta keteıik, Qazaqstan Respýblıkasynyń Ulttyq Banki Aqsha-kredıt saıasaty jónindegi tehnıkalyq komıtetiniń 2016 jylǵy 30 qańtardaǵy sheshimimen 2016 jylǵy 2 aqpannan bastap, bazalyq mólsherlemeni 17 paıyz deńgeıinde belgiledi jáne +/- 2 paıyz bolatyn paıyzdyq mólsherlemelerdiń sımmetrııalyq dálizimen turaqty qoljetkizý operatsııalaryn qaıta jandandyrady.
Bazalyq mólsherlemeni belgileý jónindegi sheshim makroekonomıkalyq kórsetkishterdi (ІJÓ, ınflıatsııa) de, mıkroekonomıkalyq kórsetkishterdi (bankterdiń ótimdiligin boljaý) de boljaý júıesin jaqsartý jónindegi aldyn ala júrgizilgen taldaý jumysyna negizdeldi jáne ony belgileý teńgeniń erkin ózgermeli aıyrbastaý baǵamynyń tolyqqandy rejimi qalyptastyrylǵannan keıin múmkin boldy.
