QR Ulttyq Banki bazalyq mólsherlemeniń tómendeýi múmkin ekendigin joqqa shyǵarmaıdy - D. Aqyshev
ALMATY. QazAqparat- QR Ulttyq Banki bazalyq mólsherlemeniń tómendeýi múmkin ekendigin joqqa shyǵarmaıdy. Bul týraly búgin Almatyda ótken baspasóz máslıhaty barysynda QR Ulttyq Bankiniń tóraǵasy Danııar Aqyshev málim etti.
«2016 jylǵy 6 maýsymda Ulttyq Bank bazalyq mólsherlemeniń deńgeıin jáne paıyzdyq mólsherlemeler dálizin ózgerissiz, 15 paıyz deńgeıinde qaldyrǵan bolatyn. Ondaǵy maqsat - teńgeniń tartymdylyǵyn nyǵaıtý. Endi, táýekelderdiń tómendeýine jáne valıýta naryǵynda oń úderisterdiń baıqalýyna baılanysty biz bazalyq mólsherlemeniń aldaǵy ýaqytta tómendeýi múmkin ekendigin joqqa shyǵarmaımyz», - dedi D. Aqyshev.
Aıta ketelik, bazalyq mólsherleme boıynsha QR Ulttyq Bankiniń kelesi sheshimi 2016 jyldyń 11 shildesinde jarııalanady.
