QR Ulttyq banki bazalyq mólsherlemeni 9,5% deńgeıge deıin tómendetti
«Qazaqstan Respýblıkasynyń Ulttyq banki bazalyq mólsherlemeni +/-1 paıyzdyq aralyq boıynsha 9,75-ten 9,5 paıyzǵa deıin tómendetý týraly sheshim qabyldady. Jyldyq ınflıatsııanyń baıaýlaýy maqsatty dáliz ishinde 2018 jyly jalǵasýda. Inflıatsııalyq boljam tómendeý tendentsııasynan habar beredi», - delingen Ulttyq banktiń habarlamasynda.
Qysqa merzimdi aralyqta jyldyq ınflıatsııanyń 5-7 paıyzdyq tómengi dálizine shyǵyp ketý táýekeli bar. Alaıda orta merzimdi ınflıatsııa jańa maqsatty dálizde, ıaǵnı 2019 jyly 4-6 paıyz aralyqta bolady.
Sonymen birge, jaıly tendentsııa men syrtqy naryqtaǵy, saýda jónindegi seriktes elderdegi jaǵdaılardy eskere otyryp, 2018-2019 jyldardaǵy Qazaqstan ekonomıkasynyń ekonomıkalyq ósimin saqtaý úshin QR Ulttyq banki 2018 jyly bazalyq mólsherlemeni bappen tómendetý saıasatyn jalǵastyrmaq.
2018 jyldan bastap jyldyq ınflıatsııa Ulttyq bank kútkennen jedel qarqynmen azaıady.
«Baǵalardyń mundaı dınamıkasy ishki ınflıatsııalyq jaǵdaıdyń álsireýi men syrtqy naryqtaǵy usynystardyń ósimimen baılanysty bolyp otyr. Elimizdegi ınflıatsııanyń tómengi deńgeıi - saýda jóninde seriktesterdiń ımporttyq taýarlarynyń tómendeýine ákeledi. Sonymen qatar, halyqtyń shynaıy aqshalaı tabysynyń jaısyz dınamıkasynyń saqtalýy aıasynda ishki suranysty qalpyna keltirý baıaý qarqynmen júrgizilip keledi. Bul óz kezeginde tutynýshylyq baǵaǵa dezınflıatsııaly qysym túsiredi», - delingen mátinde.
Inflıatsııalyq táýekelderdiń mazmuny joǵarylatylǵan deńgeıden tómendetilgen deńgeıge aýystyrylǵan. Ulttyq banktiń baǵalaýynsha, 2018 jyldyń IV toqsanynda ishki tutynýshylyq suranystyń tómendigi aıasynda ınflıatsııa deńgeıi 5% mólsherinde (maqsatty dálizdiń tómengi shekarasynan tómen) bolýy múmkin.
