QR Ulttyq banki bazalyq mólsherlemeni 17 paıyz deńgeıinde belgiledi
ALMATY. QazAqparat - QR Ulttyq banki Aqsha-kredıt saıasaty jónindegi tehnıkalyq komıtettiń 2016 jylǵy 30 qańtardaǵy sheshimimen, 2016 jylǵy 2 aqpannan bastap, bazalyq mólsherlemeni 17 paıyz deńgeıinde belgiledi jáne +/- 2 paıyz bolatyn paıyzdyq mólsherlemelerdiń sımmetrııalyq dálizimen turaqty qol jetkizý operatsııalaryn qaıta jandandyratyn bolady.
Bul týraly búgin QR Ulttyq bankiniń baspasóz qyzmetinen habarlady.
Ótimdilikti berý jónindegi turaqty qol jetkizý operatsııalary boıynsha mólsherleme 19 paıyzdy jáne ótimdilikti alý jónindegi turaqty qol jetkizý operatsııalary boıynsha mólsherleme 15 paıyzdy quraıdy. Bazalyq mólsherlemeni belgileý jónindegi sheshim makroekonomıkalyq kórsetkishterdi (ІJÓ, ınflıatsııa) de, mıkroekonomıkalyq kórsetkishterdi (bankterdiń ótimdiligin boljaý) de boljaý júıesin jaqsartý jónindegi aldyn ala júrgizilgen taldaý jumysyna negizdeldi jáne ony belgileý teńgeniń erkin ózgermeli aıyrbastaý baǵamynyń tolyqqandy rejimi qalyptastyrylǵannan keıin múmkin boldy.
«Sońǵy aılarda QR Ulttyq banki júıeli túrde aqsha naryǵyndaǵy ahýaldy turaqtandyrý sharalaryn qabyldaýda. Bul sheshim Qazaqstan Respýblıkasy Ulttyq bankiniń aqsha-kredıt saıasatyn jetildirý jónindegi jumysynyń jalǵasy bolyp tabylady jáne ol birinshi kezektegi mindetterdi oryndaýǵa, atap aıtqanda qarjy sektorynyń turaqtylyǵyn qamtamasyz etýge, ulttyq valıýtaǵa degen senimdi qalpyna keltirýge jáne teńgeniń teńgeniń tabystylyq aýytqymasyn qalyptastyrý úshin alǵysharttar jasaýǵa baǵyttalǵan. Qazaqstan Respýblıkasy Ulttyq Bankiniń is-qımyly teńgege jáne bank sektoryna degen senimdi nyǵaıtýǵa, sondaı-aq salymshylardyń teńgemen ashylatyn depozıtterdi tańdaýyna baǵyttalatyn bolady. Depozıtterge qatysty saıasat burynǵysynsha salymshylardyń quqyqtaryn qorǵaý qaǵıdattaryna negizdeletin bolady», - delingen málimdemede.
Qazaqstan Respýblıkasynyń Ulttyq Banki álemdik baǵalar men irgeli faktorlar serpini eskerile otyryp, shetel valıýtasyna degen suranys pen usynys negizinde qalyptasatyn teńgeniń erkin ózgermeli aıyrbastaý baǵamynyń rejimin ustanýdy jalǵastyrady.
Aıta ketelik, Qazaqstan Respýblıkasy Ulttyq Bankiniń bazalyq paıyzdyq mólsherleme jónindegi kezekti sheshimi 2016 jylǵy 14 naýryzda jarııalanatyn bolady.
