QR Ulttyq banki bazalyq mólsherlemeni 17% deńgeıinde qaldyrdy
ALMATY. QazAqparat - QR Ulttyq banki bazalyq mólsherlemeni paıyzdyq mólsherlemelerdiń +/- 2 paıyzdyq tarmaq bolatyn sımmetrııalyq dálizimen 17% deńgeıinde saqtap qalý týraly sheshim qabyldady, dep habarlaıdy banktiń baspasóz qyzmeti.
Turaqty qoljetkizý operatsııalary boıynsha mólsherlemeler ótimdilik berý boıynsha 19% deńgeıinde jáne ótimdilikti alý boıynsha 15% mólsherinde saqtaldy.
Bazalyq mólsherleme deńgeıi týraly sheshim qabyldaý kezinde baǵa turaqtylyǵyn, qarjy turaqtylyǵyna qoldaý kórsetýdi jáne ekonomıkanyń ósý perspektıvalaryn qamtamasyz etý táýekelderi eskerildi. Mólsherlemeniń qazirgi deńgeıin ekonomıkanyń baıaýlaýy jaǵdaıynda saqtaý teńgemen aktıvterge degen suranysqa qoldaý kórsetý qajettiligin kórsetedi.
Іshki qarjy naryǵyndaǵy ahýal bank salymshylarynyń valıýtalyq qalaýyndaǵy turaqtylyqty kórsetedi - bankterde depozıtterdi dollarlandyrý protsesi toqtady. Ulttyq banktiń teńge quraldarynyń tartymdylyǵyn arttyrý jónindegi sharalary halyqtyń ulttyq valıýtadaǵy depozıtter paıdasyna basymdyq berýine birtindep ózgeris engizýge áser etýin jalǵastyratyn bolady.
2016 jylǵy aqpandaǵy qorytyndy boıynsha ınflıatsııa deńgeıi jyldyq kórsetkish boıynsha 15,2%-dy qurady. Inflıatsııa serpinin aıqyndaıtyn faktorlar burynǵysynsha qaldy. Tutastaı alǵanda Qazaqstan Respýblıkasynyń Ulttyq Banki 2016 jyly jyldyq ınflıatsııa ekinshi jartyjyldyqta baıaýlap, jyldyń sońyna qaraı nysanaly 6-8% dálizdiń joǵarǵy shegine jaqyndaıdy dep kútedi.
Qazaqstan Respýblıkasy Ulttyq Bankiniń bazalyq mólsherleme boıynsha kezekti sheshimi 2016 jylǵy 5 mamyrda jarııalanatyn bolady.
