QR Ulttyq Banki bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý qaǵıdalaryn bekitti
ASTANA. 27 jeltoqsan. QazAqparat - QR Ulttyq Banki bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý qaǵıdalaryn bekitti, dep habarlaıdy resmı BAQ-tar.
Qazaqstan Respýblıkasynyń Ulttyq Banki Basqarmasynyń qaýlysy № 250
2012 jylǵy 24 tamyz, Almaty qalasy
Bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý qaǵıdalaryn bekitý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne ekinshi deńgeıdegi bankterdiń, bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý tártibin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý qaǵıdalary (budan ári - Qaǵıdalar) bekitilsin.
2. Kelesi normatıvtik quqyqtyq aktilerdiń:
1) «Ekinshi deńgeıdegi bankterdiń, bank operatsııalarynyń jekelegen túrlerin júzege asyratyn uıymdardyń úı-jaılaryn kúzetý men jaılastyrýdy uıymdastyrý jónindegi talaptardy bekitý týraly» 2007 jylǵy 28 mamyrdaǵy № 56 Qazaqstan Respýblıkasynyń Ulttyq Banki Basqarmasynyń qaýlysynyń (Normatıvtik quqyqtyq aktilerdi memlekettik tirkeý tiziliminde № 4817 tirkelgen);
2) «Qazaqstan Respýblıkasynyń Ulttyq Banki Basqarmasynyń keıbir qaýlylaryna kassalyq operatsııalardy júrgizý kezinde avtomattandyrylǵan kassany qoldaný jáne ekinshi deńgeıdegi bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi, jaılastyrýdy uıymdastyrý máseleleri boıynsha ózgerister men tolyqtyrýlar engizý týraly» 2009 jylǵy 24 shildedegi № 65 Qazaqstan Respýblıkasynyń Ulttyq Banki Basqarmasynyń qaýlysy (Normatıvtik quqyqtyq aktilerdi memlekettik tirkeý tiziliminde № 5843 tirkelgen, 2009 jylǵy 22 jeltoqsanda «Zań gazeti» gazetinde № 193 (1616) jarııalanǵan) qosymshasynyń 4-tarmaǵynyń kúshi joıyldy dep tanylsyn.
3. Ekinshi deńgeıdegi bankter, Ulttyq poshta operatory jáne banknottardy, monetalardy jáne qundylyqtardy ınkassatsııalaý operatsııalaryn júzege asyratyn uıymdar osy qaýly qoldanysqa engizilgen kúnnen bastap eki jyl ishinde kassalyq operatsııalardy, banknottardy, monetalardy jáne qundylyqtardy ınkassatsııalaý operatsııalaryn júrgizý úshin paıdalanylatyn úı-jaılardy Qaǵıdalarǵa sáıkes keltirsin.
4. Ekinshi deńgeıdegi bankter jáne qyzmetiniń aıryqsha túri shetel valıýtasymen aıyrbastaý operatsııalaryn uıymdastyrý bolyp tabylatyn zańdy tulǵalar osy qaýly qoldanysqa engizilgen kúnnen bastap bir jyl ishinde shetel valıýtasymen aıyrbastaý operatsııalaryn júrgizý úshin paıdalanylatyn úı-jaılardy Qaǵıdalarǵa sáıkes keltirsin.
5. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy G.MARChENKO.
Qazaqstan Respýblıkasynyń Ulttyq Banki Basqarmasynyń
2012 jylǵy 24 tamyzdaǵy № 250 qaýlysymen bekitilgen
Qaýly Qazaqstan Respýblıkasynyń Ádilet mınıstrliginde 2012 jylǵy 15 qarashada Normatıvtik-quqyqtyq kesimderdi memlekettik tirkeýdiń tizilimine №8080 bolyp engizildi.
Bankterdiń jáne bank operatsııalarynyń jekelegen túrlerin júzege asyratyn uıymdardyń úı-jaılaryn kúzetýdi jáne jaılastyrýdy uıymdastyrý qaǵıdalary baspasóz betterinde jarııalanǵan.
