QR Ulttyq Banki Banknot fabrıkasy men Teńge saraıy óniminiń kórmesin ótkizbek

ASTANA. QazAqparat - QR Ulttyq Banki VII Astana ekonomıkalyq forýmynyń jáne II Dúnıejúzilik Daǵdarysqa qarsy konferentsııanyń sheńberinde Banknot fabrıkasy men Teńge saraıy óniminiń kórmesin ótkizbek, dep habarlaıdy QR Ulttyq bankiniń baspasóz qyzmeti.

«21 - 23 mamyr aralyǵynda Astanada ótip jatqan VII Astana ekonomıkalyq forýmy aıasyndaQR Ulttyq Bankiniń kollektsııalyq jáne ınvestıtsııalyq monetalaryn kórsetý jáne satý ótkiziledi», - delingen habarlamada. Bul is-sharanyń sheńberinde alǵash ret Qazaqstan Banknot fabrıkasy banknot óniminiń jáne qorǵalǵan polıgrafııalyq ónimniń tehnologııalyq úlgilerin pash etetin túrki jazba eskertkishine arnalǵan «Kúltegin» eskertkish banknotyn usynady. Halyqaralyq sarapshylardyń baǵalaýynsha, qazaqstandyq kollektsııalyq monetalardy óndirý jáne dızaıny sapasy álemde eń úzdikterdiń qatarynda. Buǵan bedeldi halyqaralyq konkýrstardaǵy kóptegen jeńister dálel (15 túrli nomınatsııa). 2014 jyly Qazaqstan Respýblıkasynyń Ulttyq Banki kezekti ret «Jyldyń eń úzdik banknoty» nomınatsııasynda marapat alǵany belgili. Bul marapatty aǵymdaǵy jylǵy mamyrda Halyqaralyq banknot qoǵamdastyǵy (International Bank Note Society) «2013 jylǵy eń úzdik banknot» nomınatsııasynda túrki jazba eskertkishine arnalǵan, nomınaly 1 000 teńgelik «Kúltegin» eskertkish banknotyna berdi. QR Ulttyq banki buǵan deıin de úzdik banknot marapatyn eki ret alǵan bolatyn. Qazaqstan ázirge úsh ret «úzdik banknot» ataǵyn alǵan álemdegi jalǵyz memleket bolyp otyr.