QR Ulttyq banki aıyrbastaý pýnktterindegi jaǵdaıǵa túsinik berdi

NUR-SULTAN. QazAqparat - Qazaqstan Ulttyq Banki aıyrbastaý pýnktteri men ekinshi deńgeıli bankterde qolma-qol aqshalardy satýǵa nemese berýge qoıylatyn shekteýlerge qatysty ótinishterdiń ósýine baılanysty Qazaqstan Respýblıkasynda shetel valıýtasyndaǵy operatsııalarmen shekteýler týraly qaýlylar nemese ózge de zańǵa táýeldi aktiler qabyldamaǵanyn habarlady, dep habarlaıdy QazAqparat banktiń baspasóz qyzmetine silteme jasap.

«Qolma-qol shetel valıýtasyn berýde týyndaǵan qıyndyqtar, birinshi kezekte, halyq tarapynan suranystyń artýymen, sondaı-aq shıelenisken geosaıası jaǵdaı aıasynda Qazaqstanǵa basqa elderden qolma-qol shetel valıýtasyn jetkizýdegi logıstıkalyq qıyndyqtarmen baılanysty.

Osy jaǵdaıdy eskere otyryp, Ulttyq bank Federaldy rezervtik júıeden – AQSh Ortalyq bankinen qolma-qol shetel valıýtasynyń qosymsha kólemin jetkizý máselesin belsendi túrde pysyqtaýda. Sondaı - aq, dollar túrindegi qolma-qol aqshany ýaqtyly jetkizýdi qamtamasyz etý úshin kólik kompanııalarymen barlyq qajetti kelisimder bar ekenin habarlaımyz», - dedi banktiń baspasóz qyzmeti.