QR Ulttyq banki aıyrbastaý pýnkteri arqyly júrgiziletin operatsııalar boıynsha qaýly shyǵardy

Qazaqstan Respýblıkasynyń Ulttyq Banki Basqarmasynyń qaýlysy №265

2014 jylǵy 31 jeltoqsan, Almaty qalasy

Qazaqstan Respýblıkasynyń Ulttyq Banki Basqarmasynyń «Aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekterin belgileý erejesin bekitý týraly» 2009 jylǵy 24 tamyzdaǵy № 78 qaýlysyna ózgerister engizý jáne aıyrbastaý pýnktteri arqyly júrgiziletin operatsııalar boıynsha AQSh dollaryn jáne eýrony teńgege satyp alý baǵamynyń satý baǵamynan aýytqý shekterin belgileý týraly

«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respý­b­lıka­synyń Zańyna sáıkes Qazaqstan Respýblıkasy Ulttyq Bankiniń Bas­qarmasy qaýly etedi: 1. Qazaqstan Respýblıkasynyń Ult­tyq Banki Basqarmasynyń «Aıyrbastaý pýnktteri arqyly júr­giziletin operatsııalar boıynsha shetel valıýtasyn teńgege satyp alý baǵa­mynyń satý baǵamynan aýytqý shek­terin belgileý erejesin bekitý týra­ly» 2009 jylǵy 24 tamyzdaǵy №78 qaýlysyna (Normatıvtik quqyqtyq aktilerdi memlekettik tirkeý tiziliminde №5795 tirkelgen, 2009 jylǵy 2 qazan­da «Zań gazeti» gazetinde №150 (1573) jarııalanǵan) mynadaı ózgerister engizilsin: kórsetilgen qaýlymen bekitilgen Aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekterin belgileý erejesinde: 3-tarmaq alynyp tastalsyn; 4-tarmaqtyń ekinshi bóligi mynadaı redaktsııada jazylsyn: «Ulttyq Bank Basqarmasynyń qaýlysynda: shetel valıýtasyn teńgege satyp alý baǵamynyń satý baǵamynan aýytqý shekteri belgilenetin shetel valıýtalarynyń túrleri; valıýtanyń árbir túri úshin aýytqý shegi bolýǵa tıis.». 2. Ýákiletti bankterdiń jáne ýákiletti uıymdardyń aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekteri: 1) AQSh dollary úshin - 2 teńge, 2) eýro úshin - 3 teńge bolyp belgilensin. 3. Osy qaýly resmı jarııalanýǵa jatady jáne 2015 jylǵy 11 aqpannan bastap qoldanysqa engiziledi.

Ulttyq Bank tóraǵasy Q. KELІMBETOV

Qazaqstan Respýblıkasynyń Ádilet mınıstrliginde 2015 jylǵy 26 qańtarda № 10146 bolyp tirkelgen.