QR Ulttyq banki aınalymǵa 2011 jylǵy Qysqy Azııa oıyndaryna arnalǵan banknotalardy shyǵarady
ASTANA. 11 qarasha. QazAqparat /Gúlmıra Álıakparova/ - Qańtar aıynyń ortasynda Qazaqstannyń Ulttyq banki 2011 jylǵy Qysqy Azııa oıyndaryna arnalǵan banknotalardy aınalymǵa shyǵarady. Bul týraly búgin QR Týrızm jáne sport mınıstrliginde ótken baspasóz máslıhatynda Ulttyq bank tóraǵasynyń orynbasary Bısenǵalı Tájiıaqov málim etti.
B.Tájiıaqov, ústimizdegi jyldyń basynda Qazaqstannyń EQYU-ǵa tóraǵalyq etýine oraı QR Ulttyq banki 1000 teńge nomınalmen 10 mln. banknotany shyǵarǵanyn eske salyp, Qazaqstan tarıhynda bolǵaly otyrǵan eleýli oqıǵalardyń taǵy biri - 7-nshi Qysqy Azııa oıyndardyń qurmetine 1000 teńge nomınalmen 20 mln. banknota shyǵaratyndyǵyn atap kórsetti.
Onyń sózine qaraǵanda, banknota EQYU tóraǵalyǵyna arnap shyǵarylǵan banknotaǵa uqsas bolady, tek «Azıada - 2011» logotıpimen. Jospar boıynsha banknotalar aınalymǵa 17 qańtar kúni shyǵady.
