QR Ulttyq banki 6 jańa moneta shyǵardy (FOTO)
ASTANA. QazAqparat - Qazaqstannyń Ulttyq banki kúmisten jasalǵan eskertkish 4 monetany jáne neızılber qospasynan jasalǵan 2 monetany aınalysqa shyǵardy.
QR Ulttyq bankiniń baspasóz qyzmetinen habarlaǵandaı, «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155 Zańyna sáıkes Qazaqstan Respýblıkasynyń Ulttyq Banki 2015 jylǵy 11 jeltoqsanda «Qazaqstannyń Qyzyl kitaby» monetalar serııasynan nomınaly 500 teńgelik, «rroof» sapaly kúmisten jáne nomınaly 50 teńgelik neızılber qospasynan «Ústirt mýflony» eskertkish monetalaryn; «Qazaqstannyń ádet-ǵuryptary, ulttyq oıyndary» monetalar serııasynan nomınaly 500 teńgelik, «rroof» sapaly kúmisten jáne nomınaly 50 teńgelik neızılber qospasynan «Bata» eskertkish monetalaryn; «Moneta-syılyq» monetalar serııasynan nomınaly 100 teńgelik, «rroof» sapaly kúmisten «Jańa jyldaryńyzben» eskertkish monetalaryn jáne «Respýblıka ıgiligi» monetalar serııasynan nomınaly 500 teńgelik, «rroof» sapaly kúmisten «Tazy» eskertkish monetalaryn aınalysqa shyǵarady.
«Ústirt mýflony» monetalarynyń sıpattamasy
Ústirt mýflony - Azııa mýflonynyń túr tarmaǵy. Bul uzyn sıraqty, jabaıy dala qoshqary. Qazaqstandy eń iri túr tarmaǵy - ústirt mýflony mekendeıdi, ol respýblıkanyń batysyndaǵy attas ústirtte ǵana emes, onyń jartasty quzdaryn, sondaı-aq Mańǵystaý túbeginiń qyrattary men oıpattaryn meken etedi. Mýflon óte jyldam qozǵalady, shól daladaǵy mardymsyz ósimdiktermen qorektenedi, tuşy, sol sııaqty aşy ári tuzdy sýdy ishedi.
Kúmisten jáne neızılber qospasynan jasalǵan monetalardyń bet jáne syrt jaqtaryndaǵy beıneler birdeı. «Rroof» sapaly kúmis monetalardaǵy beıne jyltyr betke salynǵan.
Monetalardyń bet jaǵynda (aversinde) Jerdiń barlyq turǵyndaryna degen qamqorlyq qarym-qatynasty bildiretin Jer planetasynyń adamnyń aıaly alaqanyndaǵy stıldendirilgen beınesi, Qazaqstan Respýblıkasy Ulttyq Bankiniń logotıpi ornalasqan. Sondaı-aq onda monetalardyń nomınalyn bildiretin jazýlar kúmis monetada «500 TEŃGE», neızılber qospasynan jasalǵan monetada «50 TEŃGE» ornalasqan; moneta daıyndalǵan metaldy, onyń synamyn jáne massasyn bildiretin «Ag 925 31,1 g» degen jazý (kúmis monetada) beınelengen. Aınaldyra memlekettik tilde «QAZAQSTAN ULTTYQ BANKІ» jáne aǵylshyn tilinde «NATIONAL BANK OF KAZAKHSTAN» degen jazýlar bar.
Monetalardyń syrt jaǵynda (reversinde) jartasty taýlardyń aıasynda ústirt mýflony beınelengen. Aınaldyra memlekettik tilde «ÚSTІRT MÝFLONY», latyn tilinde «OVIS ORIENTALIS ARCAL» - túrdiń zoologııalyq ataýy jáne soǵylǵan jylyn bildiretin «2015» degen san bar. Monetalardyń bet jáne syrt jaǵyndaǵy beıneler men jazbalar bederlengen, aınaldyra shyǵyńqy jıek. Qyry (gýrty) bederli.
Monetalar 925 synamdy kúmisten jasalǵan, massasy - 31,1 gramm, dıametri - 38,61 mm, daıyndaý sapasy - «proof», taralymy - 3 myń dana; «neızılber» qospasynan jasalǵan, dıametri - 31 mm, massasy - 11,17 gramm, taralymy - 100 myń dana.
«Bata» monetalarynyń sıpattamasy
«Bata» (aýyzsha bata berý) - uzaq saparǵa attanar aldynda, ómir jolyna tileıtin qasıetti rýhanı tilek, syılaǵany, qonaqjaılyǵy, ıgi qyzmeti úshin alǵys aıtý. Bul poetıkalyq shyǵarmashylyqtyń erekshe túri, bata bergen kezde Alla taǵaladan shapaǵat suraıdy. Batany ádette jasy úlken, elge syıly aqsaqaldar beredi. «Bata» eskertkish monetalary qazaq halqynyń ádet-ǵuryptary men ulttyq mádenıetin keńirek túsinýge arnalǵan serııany jalǵastyratyn kúmisten jáne neızılber qospasynan jasalǵan monetalardyń onynshy juby bolyp tabylady. Kúmisten jáne neızılber qospasynan jasalǵan monetalardyń bet jáne syrt jaqtaryndaǵy beıneler birdeı. «Rroof» sapaly kúmis monetalardaǵy beıne jyltyr betke salynǵan.
Monetalardyń bet jaǵynda (aversinde) ortalyq bóliginde oıý-órnek aıasynda Qazaqstan Respýblıkasynyń eltańbasy beınelengen. Tómengi bóliginde monetanyń nomınalyn bildiretin san kúmis monetada «500», neızılber qospasynan jasalǵan monetada «50» jáne «TEŃGE» degen jazý bar. Sol jáne oń jaq bólikterinde ulttyq oıý-órnek elementi bir deńgeıde beınelengen. Aınaldyra memlekettik tilde «QAZAQSTAN RESPÝBLIKASY» jáne orys tilinde «RESPÝBLIKA KAZAHSTAN» degen jazý bar.
Monetalardyń syrt jaǵynda (reversinde) ulttyq ádet-ǵuryp - batanyń bir sáti beınelengen. Monetalardyń tómengi bóliginde memlekettik tilde «BATA» degen jazý, oń bóliginde Qazaqstan Respýblıkasy Ulttyq Bankiniń logotıpi jáne soǵylǵan jylyn bildiretin «2015» degen san bar. Sol jaq bóliginde moneta daıyndalǵan metaldy, onyń synamyn jáne massasyn bildiretin «Ag 925 31,1 g» degen jazý (kúmis monetada) beınelengen.
Monetalardyń bet jáne syrt jaǵyndaǵy beıneler men jazbalar bederlengen, aınaldyra shyǵyńqy jıek. Qyry (gýrty) bederli.
Monetalar 925 synamdy kúmisten jasalǵan, massasy - 31,1 gramm, dıametri - 38,61 mm, daıyndaý sapasy - «proof», taralymy - 3 myń dana; neızılber qospasynan jasalǵan, dıametri - 31 mm, massasy - 11,17 gramm, taralymy - 100 myń dana.
«Jańa jyldaryńyzben» monetalarynyń sıpattamasy
«Jańa jyldaryńyzben» monetasy «Moneta-syılyq» monetalar serııasynan ekinshi moneta bolyp tabylady. Moneta reversine tampografııalyq tańbany qoldana otyryp daıyndalǵan. Monetanyń pishini tik buryshty.
Monetalardyń bet jaǵynda (aversinde) súrgish tańbasynyń qorshaýyndaǵy stıldendirilgen gúl beınelengen, onyń ústinde aınaldyra memlekettik tilde «QAZAQSTAN ULTTYQ BANKІ» jáne aǵylshyn tilinde «NATIONAL BANK OF KAZAKHSTAN» degen jazý bar. Gúldiń ortasynda Qazaqstan Respýblıkasynyń eltańbasy ornalasqan. Oń jaǵynda órnektelgen rozetka, eki jolǵa ornalastyrylǵan jáne monetanyń nomınalyn bildiretin «100 TEŃGE» degen jazba, soǵylǵan jylyn bildiretin «2015» degen san jáne moneta daıyndalǵan metaldy, onyń synamyn jáne massasyn bildiretin «Ag 925 31,1 g» degen jazý bar.
Monetalardyń reversinde qysqy qar ushqyndarynyń jáne memlekettik tildegi «JAŃA JYLDARYŃYZBEN!», orys tilindegi «S NOVYM GODOM!» jáne aǵylshyn tilindegi «HAPPY NEW YEAR!» jazbalarynyń aıasynda túrli-tústi shyrsha sharlary túrindegi kompozıtsııa beınelengen. Monetalardyń bet jáne syrt jaqtaryndaǵy beıneler men jazbalar bederlengen. Aınaldyra shyǵyńqy jıek. Qyry (gýrty) tegis, bederi men jazýy joq.
Monetalar 925 synamdy kúmisten jasalǵan, massasy - 31,1 gramm, tik buryshy 45h30 mm, daıyndaý sapasy - «proof», taralymy - 4 myń dana.
«Tazy» monetalarynyń sıpattamasy
Tazy - ańǵa shyǵatyn asyl tuqymdy ıt. Ádettegi túsi - ashyq sary, arqalyǵy jáne qulaq ushy qara qylshyqty, alaıda basqa tústeri de kezdesedi. Tazylar shapshań ári uzaq júgirýge qabiletti. Tazylar ańǵa óz betinshe, sol sııaqty ań aýlaýǵa beıim qustarmen birge shyǵa alady - osy qasıeti úshin de baǵalanady. Tazyny negizinen túlki, qoıan jáne qasqyr aýlaýǵa salady. Onyń shyǵý tegi erte zamannan beri bastaý alady. Syrtqy túri boıynsha tazy salıýka tuqymyna (parsy ıti, baıyrǵy tuqymdardyń biri) uqsas. Monetanyń pishini tik buryshty. Monetalardyń bet jaǵynda (aversinde) oıý-órnek aıasynda «500 TEŃGE» nomınaly jáne memlekettik tildegi «QAZAQSTAN ULTTYQ BANKІ» jáne aǵylshyn tilindegi «NATIONAL BANK OF KAZAKHSTAN» degen jazýdyń qorshaýynda Qazaqstan Respýblıkasy Ulttyq Bankiniń logotıpi ornalastyrylǵan. Monetanyń syrt jaǵynda (reversinde) taý aıasynda tazy tuqymdas úsh ıttiń altyndatylǵan beınesi ornalasqan. Monetanyń joǵary bóliginde «TAZY» degen jazý, tómengi bóliginde soǵylǵan jylyn bildiretin «2015» degen san jáne moneta daıyndalǵan metaldy, onyń synamyn jáne massasyn bildiretin «Ag 925 31.1 g» degen jazý bar. Monetanyń bet jáne syrt jaqtaryndaǵy beıneler men jazbalar bederlengen. Monetany aınaldyra shyǵyńqy jıek júrgizilgen. Qyry (gýrty) tegis, bederi men jazýy joq. Monetalar 925 synamdy kúmisten jasalǵan, massasy - 31,1 gramm, tik buryshy 45h30 mm, daıyndaý sapasy - «proof», taralymy - 4 myń dana.
Nomınaly 500 teńgelik, 100 teńgelik jáne 50 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. Monetalar ústine altyn jalatý tehnologııasyn qoldana otyryp daıyndaldy. Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi №1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan monetalar kollektsııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Neızılber qospasynan jasalǵan monetalardyń alty myń danasy jaqsartylǵan sapamen daıyndalǵan jáne satý úshin arnaıy plastıkalyq termovakýýmdy oraýǵa salynǵan.
Monetalardy Qazaqstan Respýblıkasy Ulttyq Bankiniń barlyq fılıaldarynda, al «proof» sapaly kúmisten jasalǵan monetalardy QRUB-nyń www.nationalbank.kz saıtynyń «Ulttyq valıýta» paraqshasyndaǵy ınternet - dúken arqyly satyp alýǵa bolady.
