QR Ulttyq banki 4 eskertkish jáne 3 mereıtoılyq monetany aınalymǵa shyǵardy

Qazaqstan Respýblıkasynyń Ulttyq Banki 2015 jylǵy 7 tamyzdan bastap nomınaldyq quny 50 teńgelik, neızılber qospasynan «Dala qazynasy» monetalar serııasynan «Taıqazan», «Ǵarysh» monetalar serııasynan «Býran», «Qazaqstannyń qalalary» monetalar serııasynan «Qyzylorda» jáne «Oral» eskertkish monetalaryn, sondaı-aq úsh mereıtoılyq monetany aınalysqa shyǵarady. Neızılber qospasynan jasalǵan dıametri 31 mm, salmaǵy 11,17 gramm bolatyn «Taıqazan» eskertkish monetalarynyń taralymy 100 myń dana. Neızılber qospasynan «Býran» eskertkish monetalarynyń da dıametri 31 mm, massasy 11,17 gramm, taralymy 100 myń dana. «Ǵarysh» monetalar serııasynan «Býran» eskertkish monetasy ǵaryshty zertteý jáne ǵalamnyń qupııalaryn taný tarıhyndaǵy aıtýly oqıǵalarǵa arnalǵan serııany jalǵastyratyn neızılber qospasynan jasalǵan monetalardyń toǵyzynshy juby bolyp tabylady. «Býran» «Energııa-Býran» baǵdarlamasy sheńberinde qurylǵan, keńestik kóp rettik kóliktik ǵarysh júıesiniń orbıtalyq ǵarysh kemesi. Óziniń alǵashqy jáne jalǵyz ǵaryshqa ushýyn «Býran» pılotsyz rejımde 1988 jylǵy 15 qarashada júzege asyrdy. Bul fakti ǵaryshqa ǵarysh apparatynyń ushýy jáne onyń borttaǵy kompıýterdiń basqarýymen Jerge avtomatty túrde qonýy Gınnesstiń rekordtar kitabyna endi. Ǵarysh kemesi Baıqońyr ǵarysh aılaǵynan «Energııa» tasymaldaýysh-zymyranynyń kómegimen ushyryldy. Neızılber qospasynan jasalǵan «Qyzylorda», «Oral» eskertkish monetalarynyń dıametri 23 mm, massasy 4,71 gramm, árbireýiniń taralymy 50 myń dana. Sondaı-aq Ulttyq bank nomınaldyq quny 50 teńge, neızılber qospasynan «Qazaqstan Konstıtýtsııasyna 20 jyl», «2015 - Qazaqstan halqy Assambleıasynyń jyly» mereıtoılyq monetalary jáne nomınaldyq quny 500 teńgelik, «proof» sapasymen «Este qalatyn oqıǵalar men birtýar adamdar» monetalar serııasynan «2015 - Qazaqstan halqy Assambleıasynyń jyly» mereıtoılyq kúmis monetalaryn aınalysqa shyǵarady. Eskertkish monetalardyń bet jaqtaryndaǵy (aversindegi) beıneleri birdeı. Monetalardyń bet jaǵynda (aversinde) ortalyq bóliginde monetanyń nomınalyn bildiretin «50 TEŃGE» degen jazý bar. Joǵarǵy bóliginde oıý-órnekti segiz buryshty rozetka, tómengi bóliginde ulttyq oıý-órnek elementi. Nomınaldyń oń jaǵynda «QUB» degen abbrevıatýra ornalasqan. Aınaldyra shyǵyńqy jıek. Neızılber qospasynan «Qazaqstan Konstıtýtsııasyna 20 jyl» mereıtoılyq monetalarynyń dıametri 31 mm, massasy 11,17 gr, taralymy 50 myń dana. Nomınaly 50 teńgelik jáne 500 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady. Eskertkish jáne mereıtoılyq monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi ulttyq valıýta banknottary men monetalary dızaınynyń tujyrymdamasyna sáıkes ázirlengen. Neızılber qospasynan jasalǵan «Taıqazan», «Býran» eskertkish monetalarynyń jáne «Qazaqstan Konstıtýtsııasyna 20 jyl», «2015 Qazaqstan halqy Assambleıasynyń jyly» eskertkish monetalarynyń alty myń danasy jaqsartylǵan sapamen daıyndaldy jáne arnaıy plastıkalyq termovakýýmdy oraýmen satýǵa arnap shyǵaryldy. «Qyzylorda» jáne «Oral» eskertkish monetalarynyń bir myń danasy jaqsartylǵan sapamen daıyndaldy jáne arnaıy plastıkalyq termovakýýmdy oraýmen satýǵa arnap shyǵaryldy.