QR Ulttyq banki 2016 jyly nesıeleý kóleminiń artatynyn boljap otyr
ALMATY. QazAqparat - QR Ulttyq banki 2016 jyly nesıeleý kóleminiń artatynyn boljap otyr. Bul týraly Ulttyq bank tóraǵasy Danııar Aqyshev Aqtóbege sapary barysynda aıtty, dep habarlady banktiń baspasóz qyzmetinen.
«Jyl basynan beri ekonomıkany kredıtteýde oń dınamıka baıqalyp otyr. Bankterdiń nesıe berýdegi belsendiligin arttyrý úshin Ulttyq bank 2016 jyldyń 1 qańtarynan bastap birqatar retteý jumystaryn bastady», - dedi ol.
Onyń aıtýynsha, nesıeleý protsesine kóp qyrly faktorlar áser etedi.
Bul baǵytta ShOB-ty qoldaýǵa baǵyttalǵan memlekettik baǵdarlamalardy ataýǵa bolady.
«Kóptegen boryshkerler qaıtara almaıdy. Nesıeleý protsesi bankterdiń nashar portfeldi tazalaýymen ǵana shekteledi», - dedi ol.
2015 jyly ekonomıkany nesıeleý 4,7%-ǵa, 12,7 trln teńgege deıin ósti. Zańdy tulǵalardy nesıeleý 5,2%-ǵa 8,5 trln teńgege deıin, jeke tulǵalardy nesıeleý 3,7%-ǵa, 4,2 trln teńgege artty.
Kóbine saýda (20,9%), ónerkásip (13,3%), qurylys (8,0%), aýylsharýashylyǵy (5,0%) salalarynda nesıeleý kólemi artqan.
