QR Ulttyq banki: 2015 jylǵy 9 aıda tikeleı ınvestıtsııalardan taza túsim $3,6 mlrd. qurady
ALMATY. QazAqparat - QR Ulttyq banki saıtynda Qazaqstan Respýblıkasynyń 2015 jylǵy 9 aıdaǵy tólem balansyn jáne teńgeniń 2015 jylǵy 10 aıdaǵy naqty aıyrbastaý baǵamyn aldyn ala baǵalaýdy jarııalady.
Aǵymdaǵy operatsııalar shotynyń tapshylyǵy 4 mlrd. AQSh dollaryn qurady. Ótken jyly bul kezeńde profıtsıt 6,1 mlrd. AQSh dollary bolǵan edi.
Saýda balansy 2015 jylǵy 9 aıda oń bolyp qalyptasty. Bıyl ótken jylǵy 9 aıdaǵy kórsetkishpen (30,6 mlrd. AQSh dollary) salystyrǵanda 65%-ǵa tómendeı otyryp, 10,7 mlrd. AQSh dollaryn qurady. Taýarlar eksporty 2015 jylǵy 9 aıda 36,4 mlrd. AQSh dollaryn (ótken jylǵy 9 aıda 62,7 mlrd. AQSh dollary), taýarlardyń ımporty 25,7 mlrd. AQSh dollaryn (ótken jylǵy 9 aıda 32,1mlrd. AQSh dollary) qurady. Kiristerdiń teris saldosy 2014 jylǵy 9 aıdaǵy 19,9 mlrd. AQSh dollarymen salystyrǵanda 10,9 mlrd. AQSh dollaryn qurady. Tapshylyqtyń qysqarýy eksporterler kirisi azaıyp, beırezıdentterdiń tikeleı ınvestıtsııalardan túsken kiristeriniń tómendeýi tapshylyqtyń qysqarýyna ákeldi. Halyqaralyq qyzmetterdiń teris saldosy 3,8 mlrd. AQSh dollaryn qurady. 2015 jylǵy 9 aıda qarjy shoty boıynsha kapıtaldyń taza túsimi (qateler men qalyp qoıǵandardy eseptemegende) 8,4 mlrd. AQSh dollary boldy. 2015 jylǵy 9 aıdaǵy tikeleı ınvestıtsııalarmen operatsııalar boıynsha taza túsim 3,6 mlrd. AQSh dollaryn qurady. 2015 jylǵy tólem balansynyń aldyn ala baǵalaýy 2016 jyldyń 5 aqpanynda jarııalanady.
