QR Ulttyq banki 2011 jylǵy VII qysqy Azııa oıyndaryna arnalǵan eskertkish kúmis shaqalardy aınalymǵa shyǵardy
nbsp;ASTANA. Qazannyń 19-y. QazAqparat - QR Ulttyq banki 2011 jylǵy VII qysqy Azııa oıyndaryna arnalǵan nomınaly 500 jáne 5000 teńgelik eskertkish kúmis shaqalardy aınalymǵa shyǵardy.
Nomınaly 500 teńgelik kúmis shaqa on eki qyrly etip jasalǵan. Shaqanyń betki jaǵynda - qarmen kómkerilgen petroglıf beınelengen.
Shaqanyń kelesi jaǵynda ortasynda 2011 jylǵy VII Azııa oıyndarynyń logotıpi golografııalyq túrde ornalastyrylǵan.
Qazaqstan Ulttyq bankiniń osy shaqanyń túpnusqalyǵy kepildendirilgen sertıfıkatynda mynadaı tehnıkalyq sıpattamalar kórsetilgen:
Atalymy: « 7-nshi qysqy Azııa oıyndary 2011 j.»
Nomınaly: 500 teńge
Metaly: kúmis
Synamasy: 925//1000
Salmaǵy: 31,1 g
Dıametri: 38,61 mm
Shyǵarylǵan jyly: 2010
Sapasy: prýf
Taralymy, dana: 13000
Shaqa Qazaqstan Respýblıkasynda zańdy tólem quraly bolyp tabylady.
Nomınaly 5000 teńgelik kúmis shaqa 225 taraymmen shyǵarylyp, synamasy osyndaı kúmisten quıylǵan, salmaǵy - 1000 gramm, dıametri - 100 mm. Betki jaǵynda shańǵy, joǵarǵy bóliginde qazaqstandyq teńge saraıynyń taýar belgisi, sol jaǵynda tıan-shan shyrshasy beınelengen.
Shaqanyń kelesi jaǵynda muz ústinde 2011 jylǵy VII Azııa oıyndarynyń logotıpi qysqy sport túrleriniń kórinisimen ıdeogramma túrinde kómkerilgen.
