QR Ulttyq bank tóraǵasy búgingi tańdaǵy eń basty qaýip-qaterler týraly aıtty
ALMATY. QazAqparat - Kapital.kz portalynda ótken onlaın-konferentsııa barysynda QR Ulttyq bank tóraǵasy Danııar Aqyshev retteýshiniń aldynda turǵan qaýip-qaterler týraly baıandady.
«Eń úlken syrtqy qater munaıdyń álemdiń baǵasynyń kúrt tómendeýine baılanysty boldy. Óıtkeni ol 2015 jyldyń sońy men 2016 jyldyń basynda ishki naryqta valıýta qunynyń quldyraýyna alyp keldi. Іshki qaýipterdiń arasynda teńgelik quraldardyń ishki naryǵynyń damýyn qalpyna keltirý men kiristerdiń talapqa saı bolmaýy jáne makroekonomıkalyq modeldeý men boljamdaý júıelerin is júzinde júzege asyrý jáne engizý sııaqty ınflıatsııalyq targetteýmen baılanysty úderister kezinde paıda bolǵan problemalardy aıtar edim. Bul jaǵdaıdy turaqtandyrý úshin aıtarlyqtaı kúsh salý qajet boldy»,-dedi Danııar Aqyshev.
Onyń sózinshe, ekonomıkany dollarsyzdandyrý men turaqty qarjy júıesin qalyptastyrý, Ulttyq bank pen teńgege jáne bútindeı alǵanda bank sektoryna degen senimdi nyǵaıtý búgingi tańdaǵy basty máselelerdiń biri bolyp qalyp otyr.
«Osy aıtylǵandardyń barlyǵyn biz jalǵastyratyn bolamyz»,-dedi Ulttaq bank basshysy.
