QR Ulttyq bank basshysy Qazkom qalaı qutqarylǵanyn aıtyp berdi
Ótken jyldyń ortasynda júzege asqan mámile turaqty ınstıtýtty qalyptastyrýǵa baǵyttalǵan.
«Biz bankti qurdymǵa tartatyn «aýyrtpalyqtan» aryltýdy oıladyqÓkinishke oraı saýyqtyrý jumystary esh nátıje bermedi. Biraq másele sheshilmedi. BTA bankiniń de problemasy osylaısha ósip, ulǵaıa bergen. Bul týraly qarjygerler kongresinde de aıtyldy. Eger másele sheshilmese, bank sektorynda ózdiginen eshteńe joǵalyp ketpeıdi. Sondyqtan bankti radıkaldy saýyqtyrý týraly sheshim qabyldandy. Qazkomnyń BTA bankine talaptary túgel problemalyq kredıt qoryna aýystyryldy», -dedi ol.
Alaıda, alǵashqy 9 aıda Qazkom áli de shyǵynmen jumys istep keledi. Ulttyq bank basshysy bul ótken jaǵdaıdyń sońǵy saldary ǵana dep sanaıdy.
«Qazkom banki barlyq normatıvterdi oryndap júr. Qazkom - saýyqtyrylǵan qarjylyq ınstıtýt. Onda problemalyq nesıe portfeli joq emes, bar. Biraq jalpy portfelde alatyn úlesi az. Menedjment jumys jasap jatyr. Barlyq teris aktıvterge rezerv jasalǵan. Alańdaıtyn eshnárse joq», - dedi Ulttyq bank tóraǵasy.
Halyk bank basqarma tóraıymy Úmit Shaıahmetova osydan birneshe kún buryn ótken baspasóz máslıhatynda Qazkom bankiniń qalpyna kelý protsesi bastalǵanyn aıtqan bolatyn.
«Biz 170 mlrd teńge kóleminde tabys kútip otyrmyz. Bul Qazkom men Halyk bank shoǵyrlandyrylǵan tabysy. Onyń aldynda Halyk bank tabysy 135, 5 mlrd teńge bolatyn», - dedi Halyk bank basqarma tóraıymy Úmit Shaıahmetova.
