QR Ulttyq bank basshysy ınflıatsııanyń boljamdy dálizin atady
Ulttyq bank tóraǵasynyń aıtýynsha, elimizde bazalyq mólsherleme ótken jyldyń shilde aıynan bastap 12 aı ishinde 9% deńgeıinde saqtalǵan.
«Bıylǵy maýsym aıynda azyq-túlik baǵasynyń 10,6%-ǵa ósýine jáne birinshi kezekte kókónis ónimderi baǵasynyń aıtarlyqtaı ósýine baılanysty ınflıatsııa 7,9%-ǵa deıin jedeldedi. Nátıjesinde azyq-túlik naryǵyndaǵy teńgerimsizdik maýsym aıynda tarıhı maksımýmǵa deıin kóterilgen ınflıatsııalyq boljam yqtımaldyǵy turaqty baıqaldy. Sonymen qatar, 87 respondent azyq-túlik baǵasynyń óskenin belgiledi. Osyǵan baılanysty baǵanyń kúrt ósýi aıasynda Úkimet, Ulttyq bank jáne jergilikti atqarýshy organdar úshin osy jyldyń ekinshi jartysynda azyq-túlik ınflıatsııasyn tejeý basty basymdyq bolyp tabylady», - dep baıandady Erbolat Dosaev.
Sondaı-aq, ol iskerlik belsendilik pen tutynýshylyq suranystyń qalpyna kelýi jaǵdaıynda ınflıatsııanyń azyq-túlik emes jáne servıstik komponentterin jedeldetý qaıta bastalǵanyn, olar ótken jyly karantındik shekteýlerge baılanysty tejelgenin atap ótti.
«Birinshi jartyjyldyqtyń qorytyndysy boıynsha baǵanyń ósýi jedeldeýin eskere otyryp, Ulttyq bank 2021 jyldyń qorytyndysy boıynsha ınflıatsııa belgilengen targetten asyp, 2022 jyldyń ekinshi jartysynda 4-6% nysanaly dálizge oralady dep kútedi», - dedi Ulttyq Bank jetekshisi.
