QR Ulttyq bank basshysy 2018 jylǵy ınflıatsııanyń boljamyn atady
ASTANA. QazAqparat - Qazaqstan Respýblıkasynyń Ulttyq bank tóraǵasy Danııar Aqyshev ınflıatsııa týrasyndaǵy boljamdy atap ótti, dep habarlaıdy «QazAqparat» HAA tilshisi.
«2018 jylǵa qaraı josparlanǵan maqsatty ınflıatsııa deńgeıi 5-7% deńgeıinde anyqtalady, 2020 jylǵa qaraı bul deńgeı 4 protsentke tómendep, 2022 jylǵa deıin osy kórsetkishte saqtalady», - dedi ol Úkimet otyrysynda.
Ulttyq banktiń boljamyna sáıkes, qolaısyz silkinister bolmaǵan jaǵdaıda ınflıatsııa maqsatty shekte turaqtylyǵyn saqtamaq.
«Ulttyq Banktiń saıasaty Úkimetke ekonomıkalyq ósýdiń maqsatty kórsetkishterine qol jetkizýge kómektesedi, atap aıtqanda, paıyzdyq saıasat naqty mólsherde uzaq merzimdi ekonomıkalyq ósý qarqyndarymen salystyrmaly deńgeıde, ıaǵnı 4% -dan aspaıtyn bazalyq mólsherlemeni ustap turýǵa baǵyttalady. Mundaı saıasat teńgeniń naqty aıyrbas baǵamyn ustaýǵa, otandyq óndirýshilerdiń baǵasynyń básekege qabilettiligin saqtaýdy qamtamasyz etýge, ekinshiden ekonomıkanyń qarjylyq emes sektory úshin nesıe resýrstarynyń qoljetimdiligin qamtamasyz etýge qolǵabysyn tıgizedi», - dedi D. Aqyshev.
