QR Ulttyq bank: 2016 jyly ınflıatsııa deńgeıi 8,5% boldy
Ulttyq bank basshysy Danııar Aqyshevtyń aıtýynsha, bul tutastaı alǵanda Ulttyq banktiń baǵalaýyna sáıkes keledi.
«2016 jylǵy 4-toqsanda jekelegen taýarlarǵa usynystar tarapynan bolǵan kúızelisterdiń saldarynan dáliz azdap ulǵaıdy. Ulttyq banktiń baǵalaýy boıynsha, 2017 jylǵy 1-toqsanda osy kúızelisterdiń ınflıatsııalyq protsesterge yqpaly azaıatyn bolady. Tutastaı alǵanda, biz jyldyq ınflıatsııanyń odan ári tómendeýin kútip otyrmyz. 2017 jylǵy qańtar-aqpanda jyldyq ınflıatsııa boıynsha nysanaly baǵdarǵa (6-8%) qol jetkizemiz dep otyrmyz», dep málimdedi D. Aqyshev.
Onyń aıtýynsha, ınflıatsııalyq kútýler halyq arasynda bir qalypqa túsip keledi.
«2016 jylǵy jeltoqsanda ınflıatsııalyq kútýler qalypty sıpatta ekendigi anyqtaldy. Respondentterdiń 2016 jylǵy jeltoqsanda baǵalar mereke aldynda ósedi degen qaýpi aqtalǵan joq. Bul rette sońǵy 12 aıda baǵanyń ósýin kútken respondentterdiń úlesi, jańa jylda baǵanyń aǵymdaǵy ósý qarqynyn kútkenderdiń esebinen azdap ósti. Halyqtyń ınflıatsııany qabyldaýy birtindep jaqsaryp keledi. Respondentterdiń kópshiligi ótken aıda baǵanyń qalypty ósýin atap ótti»,- dedi ol.
