QR Ulttyq akademııalyq kitaphanada S. Muqanovtyń týǵanyna 110 jyl tolýyna arnalǵan ádebı-mýzykalyq kesh ótti
ASTANA. 15 jeltoqsan. QazAqparat /Gúlmıra Álıakparova/ - Búgin Astanadaǵy QR Ulttyq akademııalyq kitaphanada kórnekti jazýshy Sábıt Muqanovtyń týǵanyna 110 jyl tolýyna arnalǵan «Daýysy dáýirimen ketti ulasyp...» atty ádebı-mýzykalyq kesh ótti.
Keshtiń nysanaly aýdıtorııasy L.Gýmılev atyndaǵy Eýrazııa Ulttyq ýnıversıtetiniń stýdentteri, kitaphana oqyrmandary boldy. L.Gýmılev atyndaǵy EUÝ-nyń baspasóz jáne baspas isi kafedrasynyń meńgerýshisi Saq Qaırat jáne Ulttyq akademııalyq kitaphananyń mamany Symbat Muhamedııarova S.Muqanovtyń mol ádebı muralary týraly jáne onyń jýrnalıstik-pýblıtsıstıkalyq qyzmeti jaıly áńgimelep berdi.
Sondaı-aq kesh qatysýshylary jazýshynyń ómirlik jáne shyǵarmashylyq jolynan syr shertetin kitap kórmesi men slaıdtardy tamashalady.
2010 jyldyń 22 sáýirinde S.Muqanovtyń týǵanyna (1900-1973 jyldar) 110 jyl toldy. 2000 jyly qazaqtyń áıgili jazýshysy, qoǵam qaıratkeri, Qazaq KSR Ǵylym akademııasy akademıginiń týǵanyna 100 jyl tolý datasy ıÝNESKO deńgeıinde atap ótildi.
S.Muqanov eńbekteri - halyq qazynasy, el maqtany. Onyń eńbekteriniń ózindik birneshe ereksheligi bar. Sábıt - aqyn, jazýshy, dramatýrg, ádebıet tekserýshisi jáne qazaq sovet ádebıetin uıymdastyrýshylardyń biri. Onyń shyǵarmalary álemniń 46 tiline aýdarylǵan.
