QR Ulttyq ulany akademııasynda qyzylshamen aýyrǵandar sany elýge jaqyndady
Petropavldaǵy QR Ulttyq ulany akademııasynda qyzylshaǵa baılanysty shekteý sharalary engizildi. Qazirgi ýaqytta joǵary oqý ornynda aýyrǵandar sany 46-ǵa jetken, ishinde ofıtserler de bar, dep habarlaıdy Kazinform.
Akademııanyń medıtsınalyq qyzmet basshysy Azamat Toqtarbaevtyń aıtýynsha, qyzylshamen aýyrýdyń alǵashqy jaǵdaıy 12 qarasha kúni tirkelgen. Aýyrǵan jigit Ońtústik Qazaqstan oblysynyń týmasy. Búginde juqtyrǵandar sany 46-ǵa jetti, olardyń 22-si Petropavldaǵy emdeý mekemelerinde em alyp jatyr, 24-i táýir bolǵan.
«Syrqattanǵandardyń úsheýi – ofıtser, ekeýi kelisimshartpen jumys isteıtin áskerı qyzmetshi. Olardyń jasy 40-tan asqan. Protokol boıynsha qyzylshaǵa qarsy ekpe 30 jasqa deıin qoıylady. Osy jaǵdaıǵa baılanysty joǵary oqý ornynda shekteý sharalary engizildi. ıAǵnı akademııada ótetin is-sharalarǵa syrttan adamdardyń kelýin, sondaı-aq bizdiń kýrsanttardyń shette bolatyn túrli is-sharalarǵa barýyn ýaqytsha shektedik», - deıdi Azamat Toqtarbaev.
Joǵary oqý ornynda ınfektsııanyń taralýyn tejeý maqsatynda 641 adamǵa ekpe egildi.
«Epıdemııalyq jaǵdaı turaqtalmasa, basqa sharalar qabyldanady. Ázirge, maska rejımi engizildi. Ǵımaratty kún saıyn zararsyzdandyryp, jeldetip otyramyz. Adam kóp jınalatyn sharalar ótkizilmeıdi», - deıdi medıtsınalyq qyzmet basshysy.
