QR UQK tóraǵasy DAISh-tiń «Islam memleketi» dep atalýyna qarsy
ASTANA. QazAqparat - QR Ulttyq qaýipsizdik komıtetiniń tóraǵasy Nurtaı Ábiqaev buqaralyq aqparat quraldarynda DAISh-ti «Islam memleketi» dep ataýǵa qarsy. Bul týraly búgin Astanadaǵy Ortalyq jáne Ońtústik Azııa elderindegi zorlyq-zombylyq ekstremızmge qarsy is-qımyl jónindegi óńirlik konferentsııada málim etti.
«DAISh - ózin «Islam memleketi» dep atap júrgen lańkestik uıym. Shyn máninde olar túrli elderdiń ondaǵan myń ókilderin qamtı otyryp, dinı ekstremıstik ınternatsıonalǵa aınalyp otyr. Atap aıtqanda, saıasatkerler men jýrnalısterdiń DAISh-ke qatysty «Islam memleketi» uǵymyn keńinen paıdalanýdy durys emes dep sanaımyz», - dedi UKK tóraǵasy.
Osy oraıda ol «memleket» degen termındi paıdalaný qate ekenin qadap aıtty.
«Biz ózimizdegi arnaıy qyzmette DAISh abbrevıatýrasyn paıdalanamyz. Olar ózderin qalaı ataǵanymen, «memleket» degen termınniń ornyna, atalǵan abbrevıatýrany qoldanǵan durys bolar edi. Búginde DAISh halıfatty qurýdy belsendi alǵa jyljytýda. Bular Soltústik Afrıkadan Qytaıǵa deıingi keńistikti qamtýdy kózdep otyrǵan syńaıly. Uıymnyń jaqtastary Aýǵanstanda paıda bolýda. Bul óz kezeginde bizdi alańdatpaı qoımaıdy», - dedi N.Ábiqaev.
