QR UQK tóraǵasynyń eki orynbasary qyzmetinen bosatyldy

ASTANA. KAZINFORM – Memleket basshysynyń ókimimen QR UQK tóraǵasynyń eki orynbasary qyzmetinen bosatyldy. Bul týraly Aqordanyń baspasóz qyzmeti habarlady.

«Memleket basshysynyń ókimderimen:

Rýslan Temirǵalıuly Seısembaev Qazaqstan Respýblıkasy Ulttyq qaýipsizdik komıteti Tóraǵasynyń orynbasary – Terrorızmge qarsy qyzmetiniń bastyǵy laýazymynan bosatyldy;

Asqar Baımerdenuly Ámirhanov Qazaqstan Respýblıkasy Ulttyq qaýipsizdik komıteti Tóraǵasynyń orynbasary – Syrtqy barlaý qyzmetiniń dırektory laýazymynan bosatyldy», - dep jazylǵan qujatta.

Seısembaev Rýslan Temirǵalıuly – QR UQK Tóraǵasynyń orynbasary, ulttyq qaýipsizdik general-maıory, QR UQK Qurmetti qyzmetkeri

Bilimi: QR UQK Akademııasy

ІІ dárejeli «Aıbyn» ordenimen, vedomstvolyq jáne mereıtoılyq medaldarmen nagradtalǵan.

2021 jyly QR Prezıdentiniń Jarlyǵymen ulttyq qaýipsizdik general-maıory ataǵy berildi.

1997-2008 jj. – ulttyq qaýipsizdik organdarynda ofıtserlik laýazymdarda qyzmet atqardy;

2008-2023 jj. - ulttyq qaýipsizdik organdarynda basshy laýazymdarda qyzmet atqardy;

2023 jylǵy sáýirden bastap – QR UQK Tóraǵasynyń orynbasary.

 

Asqar Baımerdenuly Ámirhanov – QR UQK Tóraǵasynyń orynbasary - Syrtqy barlaý qyzmetiniń dırektory, ulttyq qaýipsizdik general-maıory, QR UQK Qurmetti qyzmetkeri

Bilimi: E.Bóketov atyndaǵy Qaraǵandy memlekettik ýnıversıteti (1993 j.).

ІІ dárejeli «Aıbyn» ordenimen, «Jaýyngerlik erligi úshin» medalimen, vedomstvolyq jáne mereıtoılyq medaldarmen nagradtalǵan.

2020 jyly QR Prezıdentiniń Jarlyǵymen ulttyq qaýipsizdik general-maıory ataǵy berildi.

1995-2004 jyldary – ulttyq qaýipsizdik organdarynda ofıtserlik laýazymdarda qyzmet atqardy;

2004-2022 jyldary – ulttyq qaýipsizdik organdarynda basshylyq laýazymdarda qyzmet atqardy;

2022 jylǵy qańtardan bastap – QR UQK Tóraǵasynyń orynbasary.

2023 jylǵy sáýirden bastap – QR UQK Tóraǵasynyń orynbasary - Syrtqy barlaý qyzmetiniń dırektory.