QR UQK ShQ kezekten tys attestaýdan ótkizý jónindegi QR Prezıdenti janyndaǵy Joǵarǵy attastattaý komıssııasynyń birinshi otyrysy ótti

ASTANA. 17 mamyr. QazAqparat - Búgin Memleket basshysynyń «Aqorda» Rezıdentsııasynda Prezıdent kómekshisi - Qaýipsizdik Keńesiniń hatshysy Qaırat Qojamjarovtyń tóraǵalyǵymen Qazaqstan Respýblıkasy Prezıdentiniń janyndaǵy Ulttyq qaýipsizdik komıteti Shekara qyzmetiniń kelisimshart boıynsha áskerı qyzmetshilerin kezekten tys attestattaýdan ótkizý jónindegi Joǵary attestattaý komıssııasynyń birinshi otyrysy ótti.

Kezekten tys attestattaýǵa Shekara qyzmetiniń shaqyrý boıynsha merzimdi qyzmet ótkeretin áskerı qyzmetshilerin qospaǵanda, barlyq jeke quramy kiredi.

Kezekten tys attestattaý rásimi Joǵary attestattaý komıssııasy, UQK ortalyq attestattaý komıssııasy, UQK Shekara qyzmetiniń attestattaý komıssııasy, óńirlik basqarmalar men áskerı bólimderdiń attestattaý komıssııalary jumysynyń aıasynda birqatar kezeńdi quraıdy.

Attestattaýdyń mindeti - testileý formasynda, mindetti normatıvterdi tapsyrý jáne áńgimelesý túrinde áskerı qyzmetshilerdiń qoldanystaǵy zańdardy bilýi, dene daıyndyǵy jáne qarýdy qoldaný daǵdysy, kásibı bilimi jáne laýazymyndaǵy qyzmettik mindetterin tıimdi oryndaý qabiletin anyqtaıtyn jeke qyrlary baǵalanady.

Attestattaý komıssııalarynyń jumysy ústimizdegi jyldyń sońynda aıaqtalady.