QR UQK Shekara qyzmetiniń «Ońtústik» Aımaqtyq basqarmasynyń jańa bastyǵy taǵaıyndaldy
Bul týraly QR UQK Shekara qyzmetiniń baspasóz baıanynda habarlanǵan.
Ony jańa qyzmetke turýymen QR UQK Tóraǵasynyń Orynbasary - Shekara qyzmetiniń dırektory general-leıtenant Nurlan Jolamanov quttyqtady.
«Oǵan qyzmetke kirigý barysynda qoldaý kórsetip, kómektesýlerińizdi suraımyn. Bizde ýaqyt tyǵyz, alda memlekettik shekarany jaılastyrýǵa jáne zańsyz kesip ótýge baılanysty úlken jumystar kútip tur», - dedi óz sózinde vedomstvo basshysy.
Prezıdenttiń tapsyrmasyna sáıkes qazirde QR UQK Shekara qyzmetiniń áskerı qyzmetkerlerin tolyqtaı attestatsııadan ótkizý júrgizilýde. Attestatsııa nátıjesi boıynsha óte jaqsyǵa tapsyrǵan áskerı qyzmetkerlerdiń laýazymy joǵarylaýda. Buǵan deıin A.Qalıev «Soltústik» Aımaqtyq basqarmasynyń bastyǵy qyzmetin atqarǵan bolatyn.
Sondaı-aq, general-leıtenant Nurlan Jolamanov «Ońtústik» AB bastyǵynyń ýaqytsha mindetin atqarǵan polkovnık Nurlan Kerimbaevqa atqarǵan jumysy úshin alǵys aıtty.
«Ońtústik» AB jeke quramynyń aldynda sóılegen sózinde Shekaralyq qyzmet dırektory Astana qalasynda ótken quqyq qorǵaý organdarynyń jınalysynda QR Prezıdenti Nursultan Nazarbaev QR UQK Shekaralyq qyzmetiniń aldyna qoıǵan talaptarǵa erekshe nazar aýdardy.
Jumys sapary barysynda vedomstvo basshysy Qazaqstan-Ózbekstan baǵytyndaǵy ruqsat berý pýnktteri jáne zastavalar jumysyn tekserdi. Shekarashy-áskerı qyzmetkerlerdiń qyzmettik-turmystyq jaǵdaılarymen tanysty.
