QR UQK Shekara qyzmetiniń avıatsııalyq tehnıka parkine jańa eki tikushaq pen ushaq qosyldy
ASTANA. QazAqparat - QR UQK Shekara qyzmetiniń astanalyq aralas avıatsııalyq eskadrılıasynda Qazaqstan Respýblıkasy UQK Tóraǵasy Nurtaı Ábiqaevtyń qatysýymen jańa avıatsııalyq áskerı tehnıka - áskerı-kólik «Mı-171Sh» tikushaqtary men An-74T-200A áskerı-kólik ushaǵy saltanatty túrde tapsyryldy. Bul týraly QR UQK ShQ baspasóz qyzmetinen habarlady.
Nurtaı Ábiqaev jańa avıatsııalyq tehnıka ekıpajdary úshin birinshi ushý tapsyrmasyna qol qoıdy. UQK basshysy jeke quramdy avıatsııalyq parktyń tolyǵýymen quttyqtady, Shekara qyzmetin qazirgi zamanǵy tehnıka jáne qarý-jaraqtarmen qaıta jańǵyrtý boıynsha sharalardy josparly túrde júzege asyrýdyń mańyzdylyǵyn atap ótti.
Saltanatty tapsyrý aıaqtalǵannan keıin basshylar avıatsııalyq tehnıkalarmen tanysty.
Jańa «Mı-171Sh» áskerı-kóliginiń Respýblıkanyń Memlekettik shekarasyn kúzetýge qatysyp jatqanyn da atap ótý kerek. Qazaqstan Respýblıkasy UQK Shekara qyzmetimen «Rosoboroneksport» AAQ arasynda jasalǵan shart aıasynda 2014 jylǵy birinshi toqsanda Ýlan-Ýde avıatsııa zaýytynan Shekara qyzmetiniń qarýlanýyna eki Mı-171Sh áskerı-kólik tikushaqtary alyndy,byltyr Shekara qyzmeti osyǵan uqsas 4 tikushaq satyp alǵan bolatyn.
Mı-171Sh tikushaǵy, barlyq elde tanymaly jáne ózin kórsetken Mı-8 tikushaǵynyń óte jańartylǵan nátıjesi bolyp tabylady. Eń aýyr ushý salmaǵy - 13 tonna, sonymen qatar júktiń eń aýyr salmaǵy - 4 tonna, kreıserlik ushý jyldamdyǵy - saǵatyna 230 km, eń joǵarǵy ushý bıiktigi - 6000 m, eń joǵary ushý uzaqtyǵy -1065 km, desanttar sany - 30 adam.
Tikushaqta ushýlardy kúndiz túni, kúrdeli jáne jáı meteorolıgııalyq jaǵdaıdaılardy jasaýǵa múmkindik beretin qosymsha jabdyqtar ornatylǵan. Túngi kórý aspaptary bar ushýǵa ıkemdelgen ekıpaj kabınasy tikushaqtyń, izdeý qutqarý jumystaryn júrgizý, taýda túngi ushýlar men tabıǵı jaryq joq jaǵdaılarda arnaıy tapsyrmalardy jasyryn oryndaý sııaqty jaýyngerlik jáne arnaıy múmkindikterin birshama keńeıtedi.
An-74T-200A áskerı-kólik ushaǵy eskirgen An-26 ornyn aýystyrýǵa shyǵarylǵan. Qarýlanýymyzǵa qanatty mashına Harkov memlekettik avıatsııalyq óndiristik mekemeden túsken. Ushaq kúrdeli jáne jáı meteorolıgııalyq jaǵdaıdaılardy ushýǵa múmkindik beretin zamanaýı navıgatsııalyq júıemen jabdyqtalǵan.
Ushaqtyń joǵary ushý-tehnıkalyq sıpattamasymen jáne júk kóterimdiligimen erekshelenedi, sondaı-aq jasandy, topyraqty ushý-qoný jolaqtaryna qonýǵa múmkindigi bar.
Tehnıkany qarap, tapsyrǵannan keıin basshylar senip tapsyrylǵan áskerı mashınalardyń jeke quramy men ekıpajdaryna zor densalyq, olardyń jaýapty da ıgilikti is - Memlekettik shekarany senimdi kúzetý isterine tabys tiledi.
