QR UQK shekara qyzmetiniń áskerı qyzmetshisi A. Tagıev AQSh-ta qoıan-qoltyq urystan Álem kýbogine ıe boldy
ASTANA. Qazannyń 4-i. QazAqparat - QR UQK shekara qyzmetiniń áskerı qyzmetshisi Azat Tagıev AQSh-ta qoıan-qoltyq urystan 85 kıláǵa deıingi salmaq dárejesinde synǵa túsip, Álem kýboginiń ıegeri atandy. Bul týraly elimizdiń Ulttyq qaýipsizdik qyzmeti habarlady.
Qazaq sportshysy AQSh-tyń Pensılvanııa shtatyndaǵy Fıladelfııa qalasynda ótken týrnırdiń aqtyq týrlaryna shyǵyp, 1-shi oryndy jeńip aldy. Aqtyq kezdesý jeksenbi, qazannyń 3-inde «Asplund Field House» arenasynda boldy.
Sońǵy týrlarǵa Qazaqstannan bólek, Reseı, Kanada, Qyrǵyzstan, AQSh sportshylary qatysty.
Reseı BAQ ókilderiniń málimdeýinshe, Álem kýbogyna Qazaqstan komandasy sapynda Ońdasyn Muzafarov, Ernar Myrzaǵalıev, Azat Tagıev, Ánýar Mámbetov jáne Anton Amanbaev qatysyp, Kýbok ıegerleri atandy.
KSRO-nyń Memlekettik qaýipsizdik komıtetiniń qyzmetkerlerine arnalǵan jekpe-jek urys - óner retinde 1970-shi jyldary dúnıege kelgen. Oǵan kóptegen sporttyq jekpe- jek shaıqasy túrleriniń tehnıkasy kirgen. Onda boks pen karatenyń soqqy tehnıkasy, dzıýdo, sambo jáne erkin kúrestiń beldesý tehnıkasy jınaqtalǵan. Qazirgi ýaqytta qoıan-qoltyq urysy boıynsha Halyqaralyq federatsııaǵa 18 el múshelikke engen.
