QR UQK Shekara qyzmetiniń 20 jyldyǵyn áskerı qyzmetshiler Astanadaǵy «Otan qorǵaýshylar» monýmentiniń aldynda saltanatty sherýmen atap ótedi
Bul kúni Astanada Qazaqstan Respýblıkasy Ulttyq qaýipsizdik komıtetiniń Shekara qyzmeti qurylǵanyna 20 jyl tolýyna arnalyp, saltanatty mıtıng jáne «Otan qorǵaýshylar» monýmentine gúl shoqtaryn qoıý rásimi ótedi.
Bul sharaǵa Shekaralyq qyzmet basshylyǵy, áskerı qyzmetshiler qatysady, olar «Otan qorǵaýshylar» monýmenti aldynda saltanatty sappen ótedi, sondaı-aq ardager shekarashylar, ákimdik, Aýǵanstandaǵy soǵys ardagerleri odaǵynyń ókilderi, elorda turǵyndary men qonaqtary qatysady.
Osy jerde 28 mamyrda Almatydaǵy 28-panfılovshy gvardııashylar saıabaǵynan attanǵan Shekara qyzmetiniń estafetasy márege jetedi, olar memlekettik shekarany kúzetetin barlyq qurylymdar men bólimderde boldy. Estafeta sımvoly uzyndyǵy 15 myń shaqyrymdy quraıtyn eldiń shyǵys, batys, soltústik jáne ońtústik shekaralaryn aralap shyqty.
Astanada Shekara qyzmetiniń 20 jyldyǵyn merekeleý kúni estafeta sımvoly Shekara qyzmetiniń murajaıyna máńgi saqtaýǵa qoıylady
Bul kúni Shekara qyzmeti ansambliniń jáne «Qasıetti shekara kúzetinde» atty shekaralyq ánder festıvali laýreattarynyń merekelik kontserti ótedi.
