QR UQK Shekara qyzmetinde áskerı qyzmetkerlerdiń kezekten tys attestatsııasy bastaldy
ASTANA. 2 mamyr. QazAqparat - Búgin QR UQK Shekara qyzmetinde áskerı qyzmetkerlerdiń kezekten tys attestatsııasy bastaldy, onda óz bilimi men daǵdysyn birinshi bolyp QR UQK Shekara qyzmetiniń jetekshi quramy rastaýy tıis.
Bul týraly atalmysh vedomstvonyń baspasóz qyzmetinen habarlady.
Habarlamada aıtylǵandaı, joǵary ofıtserlik quramnyń áskerı qyzmetkerleri tek zańnama boıynsha testileýden ǵana ótpeıdi, synaq tapsyrýǵa arnalǵan alańda, stadıon, tır, oqý synyptarynda saptyq daıarlyq, dene daıarlyǵy, jaýyngerlik ázirlik jáne atys daıarlyǵy boıynsha da synaqtar tapsyrady. «Kezekten tys attestatsııa áskerı qyzmetkerlerdiń kásibı jáne iskerlik qasıetterin jan-jaqty jáne ádiletti baǵalaý, sondaı-aq, áskerı qyzmetker-shekarashylardy durys irikteýdi, ornalastyrýdy jáne ári qaraı qyzmettik paıdalaný keleshegin qamtamasyz etý maqsatynda ótkiziledi», - dep atap ótti QR UQK Shekara qyzmetiniń baspasóz qyzmeti.
