QR UQK Shekara qyzmetinde 10 mln. teńgeden astam aqshanyń jymqyrylǵany anyqtaldy
ASTANA. QazAqparat - QR UQK Shekara qyzmetinde 10 mln. teńgeden astam aqshanyń jymqyrylǵany anyqtaldy, dep habarlaıdy Bas áskerı prokýratýranyń baspasóz qyzmetinen.
«Bas áskerı prokýratýramen Qazaqstan Respýblıkasy Ulttyq qaýipsizdik komıtetiniń Shekara qyzmetinde memlekettik satyp alý zańdylyǵynyń qoldanylýyna júrgizilgen tekserý barysynda, sharttyń oryndalýyn qamtamasyz etý maqsatynda Shekara qyzmetiniń depozıttik esepshotyna memlekettik satyp alýǵa qatysýshylarmen salynǵan 10 mln. teńgeden astam aqshanyń jymqyrylǵany anyqtalǵan», - dep jazylǵan baspasóz habarlamasynda.
Sonymen qatar, tekserýmen memleketik satyp alýdy júrgizý tártibiniń saqtalmaýy, negizsiz qosymsha kelisimder jasaý jáne josyqsyz jetkizýshilerge qatysty sharalar qoldanbaý sekildi zańbuzýshylyqtar anyqtalǵan. Talaptarǵa saı kelmeıtin taýarlar men jumystardy qabyldaý faktileri de oryn alǵan.
Tekserý materıaldary tıisti sheshim qabyldaý úshin qylmysty qýdalaý organdaryna joldandy.
