QR UQK Shekara qyzmeti kórsetetin memlekettik qyzmet reglamentteri bekitildi
ASTANA. QazAqparat - Qazaqstan Respýblıkasy Ulttyq qaýipsizdik komıtetinde QR UQK Shekara qyzmeti kórsetetin memlekettik qyzmet reglamentteri bekitildi. «QazAqparat» HAA qujattyń tolyq mátinin usynady.
Qazaqstan Respýblıkasy Ulttyq qaýipsizdik komıteti Tóraǵasynyń buıryǵy №42
2015 jylǵy 28 mamyr, Astana qalasy
Qazaqstan Respýblıkasy Ulttyq qaýipsizdik komıtetiniń Shekara qyzmeti kórsetetin memlekettik qyzmet reglamentterin bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 10-babynyń 2) tarmaqshasyna sáıkes BUIYRAMYN:
1. Mynalar:
1) osy buıryqqa 1-qosymshaǵa sáıkes «Aýmaqtyq sýlarda (teńizde), ishki sýlarda jáne kontınenttik qaırańda kásipshilik qyzmetti júrgizý úshin qazaqstandyq kemelerdiń Qazaqstan Respýblıkasynyń Memlekettik shekarasyn birneshe ret kesip ótýine ruqsat berý» memlekettik kórsetiletin qyzmet reglamenti;
2) osy buıryqqa 2-qosymshaǵa sáıkes «Shekaralyq beldeýge kirýge jáne onda bolýǵa ruqsattamalar berý» memlekettik kórsetiletin qyzmet reglamenti;
3) osy buıryqqa 3-qosymshaǵa sáıkes «Qazaqstandyq shaǵyn kólemdi ózdiginen júzetin jáne ózdiginen júzbeıtin (sýústi jáne sýasty) kemelerdiń (quraldardyń) jáne muz ústimen jyljıtyn quraldardyń Qazaqstan Respýblıkasynyń aýmaqtyq sýlaryna (teńizine) jáne ishki sýlaryna shyǵýyna ruqsattamalar berý» memlekettik kórsetiletin qyzmet reglamenti bekitilsin.
2. Qazaqstan Respýblıkasy Ulttyq qaýipsizdik komıtetiniń Shekara qyzmeti (budan ári - QR UQK Shekara qyzmeti) (D.A. Dilmanov) zańnamada belgilengen tártipte:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne resmı jarııalaýdy;
2) osy buıryqty Qazaqstan Respýblıkasy Ulttyq qaýipsizdik komıtetiniń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ulttyq qaýipsizdik komıteti Tóraǵasynyń orynbasary - Shekara qyzmeti Dırektorynyń mindetin ýaqytsha atqarýshy D.A. Dilmanovqa júktelsin.
4. Osy buıryq alǵash ret resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq qaýipsizdik komıtetiniń Tóraǵasy N.ÁBІQAEV.
Buıryq Qazaqstan Respýblıkasynyń Ádilet mınıstrliginde 2015 jylǵy 30 maýsymdaǵy Normatıvtik quqyqtyq kesimderdi memlekettik tirkeýdiń tizilimine №11504 bolyp engizildi.
Qujattyń qosymshalarymen resmı basylymdarda tanysýǵa bolady.
