QR UQQ Shekara qyzmeti burynǵy basshysynyń isin aldyn ala tyńdaý 12 qańtarda ótedi
ASTANA. QazAqparat - QR Ulttyq qaýipsizdik komıteti Shekara qyzmetiniń burynǵy basshysy Nurlan Jolamanovqa qatysty qylmystyq is boıynsha aldyn ala tyńdaý 12 qańtarda ótedi.
Bul týraly QazAqparat tilshisine QR Áskerı sotynyń bas mamany Maqpal Maǵzumova aıtty.
Onyń málimetinshe, jabyq sot otyrysy 12 qańtarda saǵat 10:00-de mamandandyrylǵan aýdanaralyq áskerı sotynda bolady. Sot otyrysyna sýdıa Erbol Ahmetjanov tóraǵalyq etedi.
Aıta keteıik, N. Jolamanov QR QK-niń 311-baby, 5-bólimi - para alý jáne QR QK-nyń 235-baby, 3-bólimi - bir nemese odan da kóp qylmys jasaý maqsatynda uıymdasqan top qurý jáne ony basqarý sııaqty tarmaqtar boıynsha aıyptalyp otyr.
