QR UQK Shekara qyzmeti akademııasynda kýrsanttar áskerı ant qabyldady

Saltanatty sharaǵa, akademııa basshylyǵy men jeke quramy jáne jas kýrsanttardyń ata-analary men týǵan-týystary qatysty.

«Búgin bizdiń bólimshede erekshe mereke bolyp jatyr. Reseı men Belorýssııanyń áskerı joǵary oqý oryndarynda bilim alýǵa bara jatqan birinshi kýrs kýrsanttary áskerı ant qabyldady. Sondaı-aq búgin - Qazaqstan shekarashylarynyń kúni. Qurylǵanyna minekı 23 jyl toldy. Bir ereksheligi, osy eki mereke sáıkes kelip otyr. Endi búgingi sharadan keıin Belarýs Respýblıkasyna - 20, al Reseı Federatsııasyna 53 qazaqstandyq kýrsant oqýǵa attanady. Olar 4-5 jyldan keıin elimizge joǵary bilikti maman bolyp jáne leıtenant shenin alyp oralady», - dedi óz sózinde QR UQK Shekara qyzmeti akademııasy bastyǵynyń ǵylymı jumystar boıynsha orynbasary, polkovnık Alekseı Gorıachko.

Sonymen qatar ol, sheteldik joǵary oqý oryndaryna úzdikterdiń úzdigi tańdap alynǵandyǵyn jetkizdi.

«Bıyl biz UBT boıynsha 50 jáne odan da joǵary ball jınaǵan mektep túlekterin qabyldadyq. Olar QR UQK Shekara qyzmeti akademııasynyń Dalalyq oqý-jattyǵýdy qamtamasyz etý basqarmasynyń bazasynda dene daıarlyǵy jáne psıhologııa boıynsha test tapsyrdy», - dedi A. Gorıachko.

Ádettegideı, alańǵa akademııanyń jeke quramy men shet elderge attanatyn kýrsanttar sap túzep turdy. Keıin memlekettik tý shyǵarylyp, Qazaqstan Respýblıkasynyń ánurany shyrqaldy. Óz sózinde polkovnık Alekseı Gorıachko kýrsanttardy ant bere otyryp, halyq pen Qazaqstan Prezıdentine adal bolýǵa shaqyrdy. «Áskerı ant qabyldaý - bul óte mańyzdy quqyqtyq jáne moraldyq-saıası akt. Bul áskerı qyzmettiń memlekettik mańyzǵa ıe ekendigin bildiredi. Áskerı antta memlekettiń sizderge qoıar talaby aıqyn kórsetilgen. Áskerı ant sizderge otandy qorǵaý boıynsha eń joǵary dárejede qasıetti de qurmetti jaýapkershilik pen mindetter júkteıdi. Ata-babalarymyzdyń baı mádenı-rýhanı muralaryn saqtańyzdar. Áskerı qyzmetke, áskerı antqa adal bolyńyzdar», - dedi polkovnık A. Gorıachko.

Budan keıin avtomat asynǵan kýrsanttar saltanatty jaǵdaıda kezekpen ant qabyldady. Al olardyń alań syrtynda turǵan ata-analary men týǵan-týystary tolqyp turdy. Budan soń kýrsanttar men akademııanyń jeke quramy áskerı orkestrdiń súıemeldeýimen minberde turǵan akademııa basshylyǵy aldynan saltanatty túrde sap túzep ótti.

Aıta ketelik, kýrsant almasý júıesi TMD elderi arasynda qabyldanǵan arnaıy kelisim boıynsha júzege asyrylady. QR UQK Shekara qyzmeti akademııasynda Qyrǵyzstan, Tájikstan jáne Aýǵanstan Islam Respýblıkasynyń jastary bilim alatyn bolsa, akademııa bazasynda qazaqstandyq jastar negizinen Reseı jáne Belarýs elderinde bilim alady. Mysaly, bıylǵy kýrsanttar Reseıdiń Krasnodar qalasynda ornalasqan professor N. E. Jýkovskıı jáne ıÝ. A. Gagarın atyndaǵy áskerı áýe akademııasynda, Syzran qalasyndaǵy Áskerı áýe akademııasy, Volsk qalasyndaǵy Materıaldyq-tehnıkalyq qamtamasyz etý áskerı akademııasy, Sankt-Peterbor qalasyndaǵy S. M. Býdennyı atyndaǵy baılanys áskerı akademııasy, Kalınıngrad Shekara ınstıtýty jáne Belarýs Qorǵanys mınıstrliginiń Áskerı ınstıtýtynda bilim alatyn bolady