QR UQK Shekara qyzmeti akademııasynda bolashaq ofıtserler áskerı ant qabyldady
ASTANA. 16 qyrkúıek. QazAqparat - Qazaqstan Respýblıkasy Ulttyq qaýipsizdik komıteti Shekara qyzmetiniń akademııasynda bolashaq ofıtserlerdiń áskerı ant qabyldaý rásimi bolyp ótti.
Bul týraly QR UQK Shekara qyzmetiniń baspasóz qyzmeti habarlady.
Qazaqstannyń barlyq aımaqtaryn qamtıtyn bıylǵy jylǵy 200-den astam kýrsanttar saltanatty jaǵdaıda Otanǵa adal qyzmet etý jóninde ant berip, ózderiniń qoldaryn qoıdy. Kýrsanttardyń ómirindegi mańyzdy is-sharaǵa joǵary oqý ornynyń basshylary, jergilikti basqarý organdarynyń ókilderi, Uly Otan soǵysynyń jáne Shekara akademııasynyń ardagerleri, jastardyń týǵan-týystary qatysty.
Qazaqstan Respýblıkasy UQK Shekara akademııasy memlekettik shekarany qorǵaıtyn mamandardy daıarlaý boıynsha ejelgi oqý ordasy bolyp tabylady. Elimizden tysqary jerlerde de jaqsy málim burynǵy Joǵary komandalyq shekara ýchılışesi qazir de kásibı mamandanǵan, bilimdi de bilikti ofıtserlerdi daıarlaýdy jalǵastyryp keledi.
Qazirgi tańda oqý ordasynyń ofıtser túlekteri táýelsiz Qazaqstannyń memlekettik shekarasynyń qorǵalýyn qamtamasyz etip, Shekara qyzmetiniń birlestikteri men quramalaryna jáne bólimderine oıdaǵydaı basshylyq jasaýda.
