QR UQK ótken jyly 295 mlrd. teńgeden astam somaǵa ekonomıkalyq zalaldyń jolyn kesti
ASTANA. QazAqparat - QR Ulttyq qaýipsizdik komıteti ótken jyly 295 mlrd. teńgeden astam somaǵa ekonomıkalyq zalaldyń jolyn kesti. Bul jaıynda «Kazahstanskaıa pravda» gazetine bergen suhbatynda QR UQK tóraǵasy Nurtaı Ábiqaev málim etken.
«Tek ótken jyldyń ishinde ǵana memlekettik organdardyń is-qımyly nátıjesinde 295 mlrd. teńgeden astam somaǵa ekonomıkalyq zalaldyń joly kesildi. Al biz qabyldaǵan sharalar el qazynasyna 11 mlrd. teńgeden astam qarjynyń ótelýine septigin tıgizdi», - dedi N.Ábiqaev.
Onyń atap ótýinshe, búgingi tańda ekonomıkalyq qaýipsizdikti qamtamasyz etý salasyndaǵy memlekettik áreket etýdiń barlyq ózindik sharalary tolyǵymen qoldanylýda. Bul ulttyq múddeni qorǵaýdy qamtamasyz etedi.
«Degenmen, bul mańyzdy ári qajetti protsess qyzmettiń barlyq túrleri sııaqty turaqty jetildirip otyrýdy talap etedi jáne ulttyq qaýipsizdik organy óziniń quzireti men jumys ereksheligi aıasynda otandyq ekonomıkanyń strategııalyq máni bar salalarynyń turaqty jumys isteý jáne tıimdi damý ıgiligi úshin jetkilikti sharalar qabyldaıdy», - dedi UQK tóraǵasy.
