QR UQK-niń arnaýly (áskerı) bilim berý oryndaryna oqýǵa qabyldaý erejeleri bekitildi

* * *

Qazaqstan Respýblıkasy Ulttyq qaýipsizdik komıtetiniń tóraǵasynyń buıryǵy №590

2012 jyl 20 jeltoqsan, Astana qalasy

Joǵary bilimniń kásibı oqý baǵdarlamalaryn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryn bekitý týraly

«Qazaqstan Respýblıkasynyń arnaýly memlekettik organdar týraly» Qazaqstan Respýblıka­synyń 2012 jylǵy 13 aqpandaǵy Zańynyń 10-babyna sáıkes buıyramyn:
1. Qosa berilip otyrǵan Joǵary bilimniń kásibı oqý baǵdarlamasyn iske asyratyn Qazaqstan Res­pýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalary bekitilsin.
2. «Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń bilim berý uıymdaryna oqýǵa qabyldaý erejesin bekitý týraly» (Normatıvtik quqyqtyq aktilerdi memlekettik tirkeý tiziliminde tirkelgen № 6998, Qazaqstan Respýblıkasynyń ortalyq atqarýshy jáne ózge de ortalyq memlekettik organdary aktileri jınaǵynyń 2011 jylǵy 14 qyrkúıekte № 6 sanynda jarııalanǵan) Qazaqstan Respýblıkasy Ulttyq qaýipsizdik komıteti Tóraǵasynyń 2011 jylǵy 30 naýryzdaǵy №111 buıryǵynyń kúshi joıyldy dep tanylsyn.
3. Qazaqstan Respýblıkasy Ulttyq qaýipsizdik komıtetiniń qurylymdyq bólimsheleri, vedomstvolary, aýmaqtyq jáne ózge de organdarynyń basshylary Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalarynyń múltiksiz oryndalýyn qamtamasyz etsin.
4. Qazaqstan Respýblıkasy Ulttyq qaýipsizdik komıtetiniń Kadrlar departamenti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.
5. Buıryqpen Qazaqstan Respýblıkasy ulttyq qaýipsizdik organdarynyń qyzmetkerleri men áskerı qyzmetshileri tanystyrylsyn.
6. Osy buıryq alǵash resmı jarııalanǵanynan keıin kúntizbelik on kún ótken soń qoldanysqa engiziledi.

Komıtet Tóraǵasy N. ÁBІQAEV.

Qazaqstan Respýblıkasy Ulttyq qaýipsizdik komıteti Tóraǵasynyń
2012 jylǵy 20 jeltoqsandaǵy № 590 buıryǵymen bekitilgen

Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalary

1. Jalpy erejeler
1. Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalary (budan ári - Qaǵıdalar) joǵary bilimniń kásibı oqý baǵdarlamalary boıynsha Qazaqstan Respýblıkasy Ulttyq qaýipsizdik komıtetiniń (budan ári - UQK) arnaýly (áskerı) oqý oryndaryna azamattardy oqýǵa qabyldaý tártibin belgileıdi.
2. UQK arnaýly (áskerı) oqý oryndaryna orta bilimi bar, áskerı qyzmet ótkermegen, oqýǵa túsetin jyly on jeti jasqa tolǵan, biraq jıyrma bir jastan aspaǵan, merzimdi áskerı qyzmet ótkergen azamattar, merzimdi áskerı qyzmet nemese arnaýly memlekettik organdarda qyzmet ótkerip júrgen, oqýǵa túsetin jyly jıyrma tórt jasqa deıingi, sondaı-aq áskerı qyzmetin kelisimshart boıynsha ótkerip júrgen jıyrma bes jasqa tolmaǵan áskerı qyzmetshiler qabyldanady.
3. UQK arnaýly (áskerı) oqý oryndary osy Qaǵıdalardyń 1-qosymshasynda atalǵan Mamandyqtar tizbesine sáıkes mamandyqtar boıynsha oqýǵa qabyldaıdy.
4. UQK arnaýly (áskerı) oqý oryndaryna tapsyrýǵa tilek bildirgen azamattar oqýǵa tapsyratyn jyldyń aldyndaǵy jylǵy 1 qarashaǵa deıin turǵylyqty jeri nemese qyzmet etý orny boıynsha UQK bólimshelerine, vedomstvolaryna jáne aýmaqtyq organdaryna qaı tilde test tapsyratyndyǵyn jáne qaı tilde bilim alatyndyǵyn kórsete otyryp, mynalar:
ásker qataryna shaqyrylǵan jáne zapastaǵy áskerı mindettiler - erikti nysandaǵy ótinish;
áskerı qyzmetshiler - baıanat ótkizedi.
Ótinishke nemese baıanatqa qosa mynalar:
1) jalpy orta (orta), tehnıkalyq jáne kásibı (orta kásibı, orta bilimnen keıin) bilim berý uıymdaryn bitirgendigi týraly attestat nemese dıplom (kóshirme);
2) «Bilim alýdy aıaqtamaǵan adamdarǵa beriletin anyqtama nysanyn bekitý týraly» Qazaqstan Respýblıkasy Bilim jáne ǵylym mınıstriniń 2009 jylǵy 12 maýsymdaǵy № 289 buıryǵymen (Normatıvtik quqyqtyq kesimderdi memlekettik tirkeý tiziliminde № 5717 bolyp tirkelgen) bekitilgen anyqtama nysanyna sáıkes jalpy orta, tehnıkalyq jáne kásibı, sondaı-aq orta bilimnen keıingi bilim berý uıymdaryn bitirmegen adamdarǵa beriletin anyqtama (túpnusqa);
3) jeke basyn kýálandyratyn qujat (kóshirme);
4) týý týraly kýálik (kóshirme);
5) alty fotosýret (bas kıimsiz, kólemi 4,5 h 6 sm);
6) ómirbaıan (túpnusqa) tirkeledi.
5. UQK Kadrlar departamenti oqýǵa tapsyratyn jyldyń aldyndaǵy jylǵy 1 qazanǵa deıin UQK bólimsheleri, vedomstvolary, aýmaqtyq organdary úshin UQK Tóraǵasynyń buıryǵymen bekitiletin UQK arnaýly (áskerı) oqý oryndaryna oqýǵa túsetin kandıdattardy jiberý jónindegi bólý qaǵazyn daıyndaıdy.
6. Bólý qaǵazy bekitilgennen keıin UQK bólimshelerinde, vedomstvolary men organdarynda:
1) buqaralyq aqparat quraldaryna, UQK resmı ınternet-resýrsyna UQK arnaýly (áskerı) oqý oryndaryna oqýǵa túsý úshin ótinish berý merzimderi, sondaı-aq ótinishke qosymsha tirkeletin qujattardyń tizbesi týraly habarlandyrý berý uıymdastyrylady;
2) oqýǵa kandıdattardy kásibı baǵyttaý, irikteý men tekserý jónindegi jumystar olardyń qyzmet etý orny jáne turǵylyqty jeri boıynsha júrgiziledi.
7. Oqýǵa kandıdattar qyzmetke jaramdylyǵyn anyqtaý úshin qyzmet etetin orny nemese turǵylyqty jeri boıynsha mindetti túrde áskerı-dárigerlik komıssııalarda psıhofızıologııalyq jáne medıtsınalyq kýálandyrýdan, sondaı-aq polıgrafologııalyq zertteýden ótedi.
8. UQK bólimsheleriniń, vedomstvolarynyń, organdarynyń kadrlar apparaty oqýǵa túsýge kandıdattardyń jınaqtalǵan jeke isterin UQK arnaýly (áskerı) oqý oryndaryna oqýǵa túsetin jylǵy 20 mamyrǵa deıin joldaıdy.
9. UQK Kadrlar departamenti oqýǵa baratyn kandıdattarǵa UQK arnaýly (áskerı) oqý oryndaryna oqýǵa qabyldaý merzimi týraly UQK bólimsheleriniń, vedomstvolarynyń, organdarynyń kadr­lar apparaty arqyly habarlaıdy.

2. Arnaýly (áskerı) oqý oryndaryna oqýǵa qabyldaý tártibi
10. UQK arnaýly (áskerı) oqý oryndaryna oqýǵa qabyldaýdy qabyldaý jáne mandattyq komıssııalary júzege asyrady. Qabyldaý jáne mandattyq komıssııalardyń quramdary UQK Tóraǵasynyń buıryǵymen bekitiledi.
Qabyldaý jáne mandattyq komıssııalardyń quramyna basshy, sondaı-aq UQK bólimsheleriniń, vedomstvolarynyń, organdarynyń ózge de qyzmetkerleri men áskerı qyzmetshileri kiredi.
Qabyldaý komıssııasy tóraǵa, tóraǵanyń orynbasary, jaýapty hatshy jáne komıssııanyń segiz múshesinen kem emes quramnan qurylady.
11. Qabyldaý jáne mandattyq komıssııalar osy Qaǵıdalardy basshylyqqa ala otyryp, UQK arnaýly (áskerı) oqý oryndaryn kýrsanttarmen sapaly qamtamasyz etýge beıimdeledi.
Qabyldaý komıssııasy:
1) oqýǵa túsetin kandıdattardyń jeke isterin tekserýdi júzege asyrady;
2) psıhofızıologııalyq jáne medıtsınalyq kýálandyrýdy júrgizedi, dene kúshi daıyndyǵyn tekseredi;
3) oqýǵa qabyldaý máseleleri boıynsha shaǵymdar men ótinishterdi qarastyrady;
4) konkýrs tizimderi men kandıdattardy kýrsanttar qataryna qabyldaý týraly buıryq jobasyn ázirleıdi;
5) oqýǵa túsetin kandıdattardy irikteý men tekserý jónindegi jumystardy odan ári jetildirý boıynsha usynystar ázirleıdi.
12. Qabyldaý komıssııasynyń qyzmetine tóraǵa basshylyq jasaıdy.
Qabyldaý komıssııasynyń tóraǵasy UQK qurylymdyq bólimsheleri men vedomstvolarynyń bastyqtary (bastyqtardyń orynbasarlary) qatarynan taǵaıyndalady.
Qabyldaý komıssııasynyń tóraǵasy qabyldaý komıssııasynyń qyzmetine basshylyq jasaıdy, olardyń músheleriniń ókilettikterin belgileıdi jáne osy komıssııanyń jumys josparyn bekitedi.
Qabyldaý komıssııasy tóraǵasynyń orynbasary UQK arnaýly (áskerı) oqý oryndary bastyqtarynyń orynbasarlary qatarynan taǵaıyndalady. Qabyldaý komıssııasy tóraǵasynyń orynbasary qabyldaý komıssııasynyń músheleri men qabyldaý komıssııasynyń jaýapty hatshysynyń qyzmetin uıymdastyrady jáne qadaǵalaıdy, psıhofızıologııalyq jáne medıtsınalyq kýálandyrý júrgizýdi, dene daıyndyǵyn tekserýdi uıymdastyrady.
Qabyldaý komıssııasynyń jaýapty hatshysy UQK qurylymdyq bólimsheleri men vedomstvolary basshy quramynyń qatarynan taǵaıyndalady.
Qabyldaý komıssııasynyń jaýapty hatshysy qabyldaý komıssııasyna júktelgen fýnktsııalardy iske asyrý boıynsha qujattardy, qabyldaý komıssııasynyń otyrystaryna materıaldardy, onyń jumysy týraly esebiniń jobasyn ázirleıdi.
13. Qabyldaý komıssııasynyń qyzmeti jumys josparyna sáıkes júzege asyrylady. Qabyldaý komıssııasynyń otyrysy qajettilikke baılanysty komıssııa tóraǵasynyń sheshimimen júrgiziledi jáne hattamalarmen resimdeledi.
Qabyldaý komıssııasynyń sheshimi bekitilgen quramnyń keminde úshten eki múshesi bolǵan kezde qarapaıym kóp daýyspen qabyldanady. Daýystar teń bolǵan jaǵdaıda qabyldaý komıssııasy tóraǵasynyń daýysy sheshýshi bolyp tabylady.
14. Mandattyq komıssııa tóraǵa, tóraǵanyń eki orynbasary, hatshy jáne komıssııanyń jeti múshesinen kem emes quramnan qurylady.
15. Mandattyq komıssııa:
1) UQK arnaýly (áskerı) oqý ornynyń qabyldaý komıssııasy kásibı irikteýden odan ári ótý úshin usynylǵan oqýǵa túsetin kandıdattardyń jeke isterin ishinara tekserýdi jáne taldaýdy júzege asyrady;
2) kásibı irikteýden ótken jáne UQK arnaýly (áskerı) oqý ornyna qabyldanýǵa konkýrsqa qatysý úshin jiberilgen kandıdattarmen áńgimelesý ótkizedi;
3) kandıdattardyń oqýǵa qabyldaý máseleleri boıynsha shaǵymdarǵa qorytyndy sheshim qabyldaıdy;
4) oqýǵa kandıdattardyń kásibı irikteý qorytyndysy boıynsha taldaý jasaıdy jáne osy jumystardy odan ári jetildirý boıynsha sharalar ázirleıdi.
16. Mandattyq komıssııanyń tóraǵasy bolyp UQK Tóraǵasy orynbasarlarynyń biri taǵaıyndalady.
Mandattyq komıssııa tóraǵasynyń orynbasarlary UQK bólimsheleri nemese vedomstvolary jáne UQK arnaýly (áskerı) oqý oryndarynyń bastyqtary qatarynan taǵaıyndalady.
Mandattyq komıssııanyń hatshysy bolyp UQK arnaýly (áskerı) oqý oryndarynyń kadr bólimshesi bastyǵynyń orynbasary nemese qyzmetkerleriniń biri taǵaıyndalady.
Mandattyq komıssııa músheleri bolyp UQK bólimsheleri, vedomstvolary, organdary jáne arnaýly (áskerı) oqý oryndarynyń basshy quramynyń adamdary taǵaıyndalady.
17. Mandattyq komıssııa jyl saıyn qurylady jáne UQK arnaýly (áskerı) oqý ornynyń qabyldaý komıssııasy jumys istegen kezeńde áreket etedi.
Mandattyq komıssııanyń qyzmetine jalpy basshylyqty komıssııa tóraǵasy, ol bolmaǵan jaǵdaıda onyń orynbasarlarynyń biri júzege asyrady.
Mandattyq komıssııanyń jumysyn uıymdastyrý komıssııa tóraǵasynyń orynbasaryna, al is qaǵazdaryn júrgizý komıssııanyń hatshysyna júkteledi.
Mandattyq komıssııanyń otyrysy qajettilikke baılanysty júrgiziledi.
Otyrys barysy jáne sheshimder hattamamen resimdeledi.
18. UQK arnaýly (áskerı) oqý oryndarynyń qabyldaý komıssııasyna kandıdat: jalpy orta (orta), tehnıkalyq jáne kásibı (orta kásibı, orta bilimnen keıin) bilimi týraly qujatty, ulttyq biryńǵaı testileý nátıjesi boıynsha sertıfıkatyn (túpnusqalary) kórsetedi.
19. Qabyldaý tártibi, UQK arnaýly (áskerı) oqý oryndarynyń qabyldaý komıssııalarynyń qabyldaý máseleleri boıynsha sheshimi jáne kásibı irikteýdiń nátıjeleri týraly aqparattar aqparattyq taqtaıshaǵa ornalastyrylady.
20. Qazaqstan Respýblıkasy Úkimetiniń 2012 jylǵy 19 qańtardaǵy №111 qaýlysymen bekitilgen joǵary bilimniń kásibı oqý baǵdarlamasyn iske asyratyn bilim berý mekemelerine oqýǵa qabyldaýdyń úlgilik qaǵıdalaryna sáıkes jalpy orta (orta jalpy) bilim berý uıymdarynyń ótken jyldarǵy túlekteri, tehnıkalyq jáne kásibı (orta kásibı, orta bilimnen keıin) bilim berý uıymdarynyń túlekteri úshin keshendi testileý ótkiziledi.
21. Kandıdattardy psıhofızıologııalyq kýálandyrý jáne dene shynyqtyrý daıarlyǵyn tekserý úshin UQK arnaýly (áskerı) oqý orny bastyǵynyń buıryǵymen arnaıy (pándik, saraptyq) komıssııalary (budan ári - arnaıy komıssııa) qurylady. Atalǵan komıssııalardyń tóraǵalary bolyp qabyldaý komıssııasynyń músheleri taǵaıyndalady, arnaıy komıssııa quramyna UQK qurylymdyq bólimsheleriniń, vedomstvolarynyń, aýmaqtyq organdarynyń tájirıbeli jáne bilikti qyzmetkerleri, UQK arnaýly (áskerı) oqý oryndarynyń oqytýshylary qatarynan keminde úsh adam kiredi.
22. Oqýǵa kandıdattardy medıtsınalyq kýálandyrýdan ótkizý «Áskerı-dárigerlik saraptamany júrgizý qaǵıdasyn jáne áskerı-dárigerlik saraptama organdary týraly erejeni bekitý týraly» Qazaqstan Respýblıkasy Úkimetiniń 2010 jylǵy 30 qańtardaǵy № 44 qaýlysyna sáıkes júrgiziledi.
UQK arnaýly (áskerı) oqý oryndarynda medıtsınalyq kýálandyrýdan ótkizý úshin jyl saıyn UQK Tóraǵasynyń buıryǵymen shtattan tys áskerı-dárigerlik komıssııa (budan ári - ÁDK) qurylady. ÁDK quramyn UQK Ortalyq áskerı-dárigerlik komıssııasynyń tóraǵasy qurady.
ÁDK quramyna UQK áskerı-dárigerlik bólimsheleriniń jáne ulttyq qaýipsizdik organdary basqa da áskerı-dárigerlik komıssııalarynyń tıisti mamandyqtaǵy medıtsına qyzmetkerleri kiredi.
Medıtsınalyq kýálandyrýdan ótkizý kezinde kandıdattardyń arnaýly memlekettik organdarǵa qyzmetke jaramdylyǵy anyqtalady.
23. Kandıdattardyń dene daıyndyǵyn tekserýdi arnaıy komıssııa UQK arnaýly (áskerı) oqý oryndaryna oqýǵa túsetin orta bilim beretin uıymdardy bitirgen tulǵalarǵa arnalǵan jalpy deneshynyqtyrý daıyndyǵy boıynsha baqylaý testileri men normatıvterine sáıkes osy Qaǵıdalardyń 2-qosymshasy boıynsha júzege asyrady.
24. UQK Shekara qyzmetiniń akademııasyna oqýǵa tapsyrýshy áskerı qyzmetshiler qataryndaǵy kandıdattarmen atalǵan oqý ornynyń bazasynda keshendi testileý qarsańynda úsh aılyq daıyndyq jıyny ótkiziledi.
25. UQK arnaýly (áskerı) oqý oryndaryna qabyldaýdy mandattyq komıssııa medıtsınalyq, dene daıyndyǵynyń jáne psıhofızıologııalyq kórsetkishterin eskere otyryp, sertıfıkat balyna sáıkes konkýrstyq negizde júrgizedi.
Bul rette UQK arnaýly (áskerı) oqý oryndaryna oqýǵa qabyldaý úshin ulttyq biryńǵaı testileý (keshendi testileýdiń) sertıfıkatynyń shekti baly qabyldaýdyń úlgilik qaǵıdalarymen belgilenedi.
26. Qyzmet ótkerý kezinde mert bolǵan nemese múgedektik alǵan qyzmetkerlerdiń balalary oqýǵa tapsyrýshylar úshin qoıylǵan talaptar boıynsha jetkilikti deńgeıde ball jınasa, UQK arnaýly (áskerı) oqý oryndaryna konkýrstan tys qabyldanady.
27. UQK arnaýly (áskerı) oqý oryndary kýrsanttarynyń qataryna qabyldaýǵa arnalǵan konkýrsty ótkizý kezinde:
1) «Altyn belgi» belgisimen marapattalǵan adamdardyń;
2) derbes bilim berý uıymdarynyń bilim týraly qujattary bar adamdardyń;
3) tizbesin bilim berý salasyndaǵy ýákiletti organ aıqyndaıtyn jalpy bilim beretin pánder boıynsha halyqaralyq olımpıadalar men ǵylymı jobalar konkýrstarynyń (ǵylymı jarystardyń) (birinshi, ekinshi jáne úshinshi dárejeli dıplomdarmen marapattalǵan), oryndaýshylardyń respýblıkalyq jáne halyqaralyq konkýrstarynyń jáne sporttyq jarystardyń (birinshi, ekinshi jáne úshinshi dárejeli dıplomdarmen marapattalǵan) sońǵy úsh jyldaǵy jeńimpazdarynyń, sondaı-aq ózderi tańdaǵan mamandyqtary olımpıadanyń, konkýrstyń nemese sporttyq jarystyń pánine sáıkes kelgen jaǵdaıda, jalpy bilim beretin pánder boıynsha aǵymdaǵy jylǵy Prezıdenttik, respýblıkalyq olımpıadalar men ǵylymı jobalar konkýrstarynyń (birinshi, ekinshi jáne úshinshi dárejeli dıplomdarmen marapattalǵan) jeńimpazdarynyń basym quqyǵy bar.
28. UQK arnaýly (áskerı) oqý oryndarynda oqıtyndardyń qataryna qabyldaý konkýrsyn ótkizý kezinde birdeı kórsetkishke ıe bolǵan jaǵdaıda basymdyq quqyǵyna myna adamdar ıe bolady:
1) jetim balalar jáne ata-anasynyń asyraýynsyz qalǵan balalar;
2) soǵysqa qatysýshylarǵa beriletin jeńildikter men kepildikterge teńestirilgen adamdar;
3) úzdik bilimi týraly qujaty (kýálikter, attestattar, dıplomdar) bar adamdar.
4) «Jas ulan» Respýblıkalyq mektebiniń túlekteri;
5) áskerı daıyndyq boıynsha qosymsha baǵdarlamalary bar bilim berý uıymdarynyń tárbıelenýshileri;
6) áskerı qyzmet ótkerý kezinde mert bolǵan, iz túzsiz joǵalǵan nemese múgedektik alǵan qyzmetkerlerdiń balalary.
29. Qabyldaý tildik bólimsheler boıynsha jeke ótkiziledi.
30. Kýrsanttar qataryna qabyldaý týraly mandattyq komıssııanyń sheshimi UQK arnaýly (áskerı) oqý oryndary bastyǵynyń buıryǵymen resimdeledi.
Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryna
№ 1 qosymsha
Mamandyqtar tizbesi
Bakalavrıat mamandyqtary Mamandyqtar
tobynyń ataýy Pánder tizbesi Oqý
merzimi Beıindik páni
QR UQK Shekara qyzmeti qyzmettik - jaýyngerlik is-qımyldaryn basqarý Áskerı
is jáne qaýipsizdik Qazaq tili nemese orys tili (oqyǵan tili);
Qazaqstan tarıhy;
Matematıka;
Tańdaý páni - geografııa. 4 jyl Geografııa

Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryna
№ 2 qosymsha

Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa túsetin orta bilim beretin uıymdardy bitirgen tulǵalarǵa arnalǵan jalpy dene shynyqtyrý daıyndyǵy boıynsha baqylaý testileri men normatıvteri
Jattyǵýlar Óte jaqsy Jaqsy Qanaǵattanarlyq
Belaǵashta tartylý (qansha ret) 11 9 7
100 metrge júgirý (sek) 14,0 14,2 14,8
3000 metrge júgirý (mın.sek) 12,15 12,45 13,30

Dene shynyqtyrý daıyndyǵy boıynsha qyzmetkerlerge (áskerı qyzmetkerlerge) arnalǵan baqylaý testileri men normatıvteri
Jattyǵýlar Óte jaqsy Jaqsy Qanaǵattanarlyq
Belaǵashta tartylý (qansha ret) 15 13 9
100 metrge júgirý (sek) 13,9 14,4 15,2
3000 metrge júgirý (mın.sek) 12,10 12,25 12,50

Buıryq Qazaqstan Respýblıkasynyń Ádilet mınıstrliginde 2012 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine № 8211 bolyp engizildi.