QR UQK Memtehqyzmeti men RF kompanııasy kelisimge keldi

  ALMATY. QazAqparat - QR UQK Memlekettik tehnıkalyq qyzmeti men reseılik Positive Technologies kompanııasy kıberqaýipsizdik salasyndaǵy seriktestik memorandýmyna qol qoıdy, dep habarlaıdy QazAqparat tilshisi.

«Tsıfrlandyrý, avtomattandyrýǵa kóshý barysynda kıberqaterdiń tónýi ábden múmkin. Ókinishke oraı bul shyndyq jáne muny shuǵyl túrde qolǵa alý kerek. Ol úshin baǵdarlamalyq qamtylymdy jasaıtyn jekelegen uıymdarmen birlese jumys atqarýǵa týra keledi. Bizge kıbershabýyldan der kezinde habar alý, onyń sebepteri men kúresý joldaryn bilý kerek», - dedi QR UQK Memlekettik tehnıkalyq qyzmeti dırektory Erjan Birjanov reseılik Positive Technologies kompanııasymen kelisim kezinde. 

Kelisimshartqa sáıkes eki tarap aqparattyq qaýipsizdik jóninde, zııandy baǵdarlamalardyń taralýy kezinde jedel aqparat, shabýyl men shabýyldaýshy týraly málimet almasýǵa, sondaı-aq aqparattyq qaýipsizdik qaqtyǵysyna birge toıtarys berýge nıetti.