QR UQK ınternettegi aqparattyq qaýipterge qatysty Telegram-bot ashty

NUR-SULTAN. QazAqparat – QR Ulttyq qaýipsizdik komıtetiniń KZ-CERT Kompıýterlik ıntsıdentterge áser etý qyzmeti ınternettegi aqparattyq qaýip-qaterler men olardyń aldyn alý joldary týraly habardar etip otyratyn Telegram-botty iske qosty, dep habarlaıdy QazAqparat.

Atap aıtqanda, Telegram-bot arqyly qazaqstandyqtar:

- «KZ-CERT qyzmetteri» aıdaryna aqparattyq qaýipsizdiktiń yqtımal qaýpi jáne ıntsıdenti týraly habarlaı alady;

- «Call – Center»qyzmetiniń 1400 biryńǵaı aqparattyq-anyqtamalyq ortalyǵyna táýlik boıy tegin qońyraý shalýǵa bolady.

- Qandaı da bir domende zııandy baǵdarlamalyq jasaqtamanyń bar-joǵyn teksere alady;

- «Qupııa sózdiń kúrdeliligin tekserý» qyzmeti jeke aqparattyń qaýipsizdigin kúsheıtýge kómektesedi;

- «Jıi qoıylatyn suraqtar» aıdarynda aqparattyq qaýipsizdikke qatysty jıi joldanatyn suraqtarǵa jaýap beriledi.

«Sondaı-aq, KZ-CERT qyzmeti rebrendıng jasap, www.cert.gov.kz jańa ınternet-resýrsyn pılottyq rejımde iske qosqanyn eske salady. Jańa ınternet-resýrsta nashar kóretinderge arnalǵan nusqa jetildirildi, resýrstyń mobıldik nusqasy ıkemdeldi, qupııa sózdiń kúrdeliligin tekserý qyzmeti qosyldy, onlaın rejımde kez kelgen ýaqyttaǵy ıntsıdentter statıstıkasyn qaraýǵa bolady jáne 24/7 rejımde onlaın keńesshiden aqparattyq qaýipsizdik máseleleri boıynsha keńes, kómek alýǵa bolady», - delingen «KZ-CERT» Kompıýterlik ıntsıdentterge áreket etý qyzmetiniń málimetinde.