QR UQK esirtki laboratorııasy men qylmystyq aqshany zańdastyrý jolyn anyqtady
QR UQK baspasóz qyzmetiniń habarlaýynsha, operatsııa bıylǵy qańtarda Qazaqstan, Ózbekstan men Reseıdiń «esirtki naryǵyn» psıhotroptyq zattarmen qamtamasyz etip otyrǵan jasyryn esirtki laboratorııasyn joıýdan bastaldy. Zańsyz aınalymnan esirtkiniń rekordtyq partııasy – 188 keli «mefedron» alyndy.
Arnaıy qyzmet qylmystyq kapıtaldy Qazaqstannan tys shyǵarý men ony «tazartý» shemalaryn anyqtaý boıynsha sharalardy qolǵa aldy. Aqsha aýdarymdary qarjylyq aınalymda qajetti deńgeıde aıqyndalmaǵan krıptovalıýtada júrgizilgeni qıyndyqtar týdyrǵanyn atap ótý qajet.
Budan ári qylmystyq jolmen tabylǵan qarjyny zańdastyryp, odan ári shet meleketterge shyǵarý jolyn anyqtaý baǵytynda jumystar júrgizildi. Bul baǵyttaǵy jumystardyń tıimdiligine aqsha aýdarymdarynyń «kóleńkeli» jaqtary kóp krıptovalıýtada júrgizilýi zardabyn tıgizdi.
Komıtet ókilderi qylmystyq bıtkoındardy zańdastyratyn aıyrbas ornyn anyqtady. Osy júıe boıynsha bıtkoındar Almatynyń aqsha aıyrbastaý oryndaryna ózderiniń adamdary arqyly taratylyp otyrǵan.
Operatsııa nátıjesinde qylmysty uıymdastyrýshy men onyń sybaılastary ustaldy.
«Memleket kirisine qylmystyq toptardyń esirtki saýdasynan tapqan krıptovalıýtadaǵy 68 mln. teńge qarjysy ótkizildi»,-delingen UQK baspasóz qyzmeti taratqan aqparatta.
Foto: bitnovosti.com
