QR UQK dinı ekstremızmge qarsy turý boıynsha usynystar qabyldaýda
Bul jaıynda QR UQK baspasóz qyzmetinen málim etti.
Vedomstvo aqparatyna sáıkes, Astanada Ulttyq qaýipsizdik komıteti Dinı ekstremızm men terrorızmge qarsy is-qımyl jónindegi 2017-2020 jyldarǵa arnalǵan memlekettik baǵdarlamanyń jobasyn buqaralyq talqylaý aıasynda «Qazaqstan Respýblıkasyndaǵy dinı ekstremızm men terrorızmniń aldyn alýdyń ózekti máseleleri» taqyrybynda dóńgelek ústel ótkizdi. Onyń jumysyna memlekettik organdardyń, úkimettik emes uıymdar men qoǵamdyq birlestikterdiń ókilderi qatysty.
Qoǵamda radıkaldy ıdeologııalarǵa degen ımmýnıtetti jáne radıkaldyq kórinisterge múldem tózbeýshilikti odan ári qalyptastyrý máseleleri boıynsha pikir almasý júzege asyryldy. Ekstremızm men terrorızm ıdeıalaryn qoldaıtyn tulǵalardy deradıkaldandyrý is-sharalary qarastyryldy.
Dóńgelek ústelge qatysýshylar Memlekettik baǵdarlamany júzege asyrý jónindegi is-sharalar josparynyń jobasyna naqty usynystar engizdi.
Qujat jobasymen UQK resmı saıtynda (knb.kz) jáne Qazaqstan Respýblıkasynyń Terrorızmge qarsy ortalyǵynyń (atc.gov.kz) saıtynan tanysýǵa bolady. Usynystar atc@knb.kz elektrondy adresi arqyly qabyldanady.
