QR UQK departamenti elordanyń úsh turǵynynan tárkilengen 367 keli marıhýanany joıdy
ASTANA. 30 qarasha. QazAqparat - Búgin UQK Astana qalasy boıynsha departamenti qylmystyq is sheńberinde tárkilengen jalpy salmaǵy 367 kg kannabıstik toptaǵy esirtki zaty - marıhýanany joıý boıynsha aktsııa ótkizdi.
Bul týraly QR Ulttyq Qaýipsizdik komıtetiniń baspasóz qyzmetinen habarlady.
Buǵan deıin, ú.j. 12 qarashada UQKD qyzmetkerleri Qaraǵandy-Pavlodar tas jolynda jol boıy dámhanalarynyń birinde esirtki zattarymen Astana qalasynyń úsh turǵynyn ustaǵan bolatyn. Esirtkiler elorda aýmaǵynda satýǵa arnalǵan bolyp shyqty.
Ustalǵandardan marıhýana salynǵan 3 polımerlik qap, 7 qorap jáne 7 sharýashylyq sómkesi tárkilendi.
Ústimizdegi jylda UQK Astana qalasy boıynsha departamenti 390 kg astam esirtki zatyn tárkilep, joıdy, 25 qylmystyq is qozǵady, asa iri kólemde esirtki zattaryn taratqandary úshin 10 adam sottaldy.
