QR UQK-da terrorıstik toptardy qarjylandyrý arnalaryn anyqtaýda, olardyń jolyn kesýde vedomstvolardyń ózara áreket etýi talqylandy
ASTANA. 11 qazan. QazAqparat - Ústimizdegi jyldyń 9 qazanynda QR UQK Terrorızmge qarsy ortalyǵynyń Vedomstvoaralyq úılestirý komıssııasynyń kezekti májilisi bolyp ótti.
Bul týraly QR UQK-nyń baspasóz qyzmetinen málim etti.
Májiliske qatysýshylar terrorıstik toptar men ekstremıstik uıymdardy qarjylandyrý arnalaryn anyqtaý jáne jolyn kesý aıasyndaǵy vedomstvoaralyq ózara árekettestikti kúsheıtý boıynsha máselelerdi talqylady. Májilis qorytyndysy boıynsha tıisti qujattar qabyldandy.
Vedomstovaralyq komıssııanyń jumysyna 13 mınıstrlik pen vedomstvolardyń basshylary jáne ókilderi qatysty.
