QR UQK An-72 ushaǵynyń qulaýy kezinde qaza tapqan áskerı qyzmetkerlerdiń otbasylaryna kómek kórsetkeni úshin Qazaqstannyń barlyq azamattary men uıymdaryna alǵys bildiredi
ASTANA. 16 qańtar. QazAqparat - Ulttyq qaýipsizdik organdarynyń qyzmetkerleri men Qazaqstan Respýblıkasy UQK Shekara qyzmetiniń áskerı qyzmetkerleri barlyq memlekettik organdar men uıymdarǵa, Qazaqstan Respýblıkasynyń azamattaryna 2012 jyldyń 25 jeltoqsanynda Shekara qyzmetiniń An-72 áskerı-kóliktik ushaǵynyń qulaýy kezinde qaza tapqan áskerı qyzmetkerlerdiń otbasylaryna kórsetken moraldyq jáne qarjylyq kómegi úshin shynaıy alǵys pen rızashylyǵyn bildiredi. Bul týraly QR UQK-niń baspasóz qyzmetinen habarlady.
«Óz kezeginde aldaǵy ýaqytta da aldymyzǵa qoıylǵan mindetterdi laıyqty oryndap, halqymyz ben Otanymyz - Qazaqstan Respýblıkasynyń múddesi úshin qyzmet atqaratymyzdy ýáde etemiz», - delinedi mátinde.
