QR UQK Almatydaǵy ushaq apatynan qaza tapqandardyń esimderin atady
ALMATY. QazAqparat – QR Ulttyq qaýipsizdik komıteti áýe apatynda qaıtys bolǵan adamdardyń esimin jarııalady, dep habarlaıdy QazAqparat tilshisi.
Komıtet ókilderi qaza bolǵandardyń otbasyna, jaqyndaryna qaıǵyryp kóńil aıtty.
Óz áskerı boryshyn óteý barysynda QR UQK áskerı qyzmetshileri:
– maıor Barlyqbaev Ǵabıt Esimdeuly;
19.10.1984 jyly týǵan, áýe bóliminiń shtýrmany;
– kapıtan Baımuratov Dosjan Ǵalymbekuly, 15.12.1985 jyly týǵan, áýe bóliminiń ushý tobynyń bort tehnıgi;
- aǵa leıtenant Saǵymbaev Muhtar Qajymuqanuly, 24.11.1994 jyly týǵan, áýe bóliminiń ushý tobynyń ekıpaj shtýrmany;
– serjant Vasılkov Evgenıı Borısuly,
10.11.1985 jyly týǵan, áýe bóliminiń ushý tobynyń bas bort mehanıgi;
«AN-26 áskerı transporttyq ushaǵynyń ekıpajy tájirıbeli, kásibı turǵydan bilikti bolatyn. Ómiriniń sońyna deıin áskerı antyna adal qyzmet etti. Olardyń adaldyǵy, qaısarlyǵy qaýipsizdik organdary qyzmetkerleriniń máńgilik jadynda qalady. Aýyr qaıǵyǵa ortaqpyz», - dedi QR UQK baspasóz qyzmetinen.
Eske salsaq, 13 naýryzda Nur-Sultan-Almaty baǵytynda kele jatqan AN-26 áskerı ushaǵy 17.22-de radardan joǵalyp, qala áýejaıynda apatqa ushyrady.
Ushaqta bolǵan 4 adam qaza tapty. 2 adam túrli jaraqattarmen Almaty qalasynyń 4-qalalyq klınıkalyq aýrýhanasyna jetkizildi. Dárigerler tiri qalǵan adamdardyń jaǵdaıy týraly aıtty.
Memleket basshysy Qasym-Jomart Toqaev nyń tapsyrmasy boıynsha áýe apatynyń sebepterin anyqtaýdy tapsyrdy.
Qazaqstannyń Tuńǵysh Prezıdenti - Elbasy Nursultan Nazarbaev AN-26 áskerı ushaǵynyń apatqa ushyraýynan qaza tapqandardyń týystary men jaqyndaryna kóńil aıtty
